Apple-ի գլխավոր տնօրենը խոստովանել է, որ հոգնել է իր iPhone-ից

0

Axios-ին տրված հարցազրույցի ընթացքում, աշխարհահռչակ ամերիկյան Apple կորպորացիայի գլխավոր տնօրոն՝ Թիմ Կուկը խոստովանել է, որ սկսել է հազվադեպ օգտվել իր iPhone-ից։

«Հաճախականությունների թիվը, երբ ես ձեռքս եմ վերցնում իմ սմարթֆոնը նվազում է»,-ասել է Apple-ի ղեկավար Կուկը:

Նրա խոսքերով, նախկինում ինքը չափազանց հաճախ է օգտվել սմարթֆոնից, նույնիսկ մեկ րոպեով չի կտրվել սարքից, սակայն այժմ վերջինիցս ավելի քիչ է օգտվում։

Կուկը պարզաբանել է, որ iPhone-ի միջոցով նա ստանում էր տարատեսակ տեղեկատվություններ, նորություններ և ստուգում դրանք։

Բայց այժմ նա սահմանափակել է իր բջջայինին եկող ծանուցումների թիվը, ինչի շնոհիվ էլ կրճատել է սմարթֆոնից օգտվելու ժամաքանակը:

Ըստ Fox News-ի տվյալների՝ միջին վիճակագրական օգտատերն իր սմարթֆոնով ընթերցում է նորությունները յուրաքանչյուր 12 րոպեն մեկ։

Իսկ ավելի վաղ CBS հեռուստաալիքը հայտնել էր, որ ԱՄՆ քաղաքացիներն օրական որևէ տեղեկություն ստանալու համար մոտ 52 դիմում են իրենց հեռախոսի օգնությանը։ Կարևոր է նաև այն փաստը, որ այդ սարքը ոչ թե «խելացի ժամացույց» է, պլանշետ կամ նոթբուք, այլ հենց սմարթֆոն։

Համաձայն Ofcom-ի հետազոտությունների բրիտանացիների մոտ 78 տոկոսը չի պատկերացնում իր կյանքն առանց սիրելի սմարթֆոնի։

Նշենք, նաև մեծահասակներն օրվա ընթացքում համացանցում լինում են 2 ժամ 28 րոպե, իսկ պատանիները (18-24 տարեկանները) ինտերնետից օգտվում են ավելի քան 3 ժամ 14 րոպե:

Share.