Ինչպես տարբերել՝ նո՞ր նոթբուք են Ձեզ վաճառում, թե՞ օգտագործված/վերանորոգված

0

Նոթբուքը, որը վերադարձվել է վաճառողին կամ արտադրողին որևէ խնդիր ունենալու պատճառով, գտնելով երաշխիքի մեջ կամ ըստ պայամանգրի, կարող է վերանորոգվել և ստանալ «գրեթե նորի» կարգավիճակ: Սակայն օրինականորեն այն ալյևս նոր չէ և պիտի կոչվի վերանորոգված (refurbished) նոթբուք:

Շատ ոչ բարեխիղճ վաճառողներ ոչինչ չկասկածող հաճախորդներին վաճառում են հենց այդպիսի նոթբուքեր նորի փոխարեն՝ այդպիսով մեծացնելով իրենց շահույթը:

Նոթբուքերը, ի տարբերություն մեքենաների, չունեն հատուկ սարք, որը կցուցադրի նրանց «վազքը», այսպիսով, Ձեր ապագա նոթբուքի իրական վիճակը ճիշտ բացահայտելու պարտականությունը մնում է Ձեր վրա:

Ուսումնասիրե՛ք նոթբուքի մակերեսին խազերի առկայությունը և շոշափե՛ք ստեղնաշարը: Օգտագործված ստեղները լինում են ավելի փայլուն և հարթ:

Ուշադրություն դարձրե՛ք նաև պտուտակներին: Եթե դրանց վրա կան հետքեր, ապա պարզ է, որ դրանք արդեն բացվել են նախկինում:

Էկրանի վրա կետերի կամ այլ «մաշվածության» նշանների առկայությունը ևս խոսում է նոթբուքի օգտագործված լինելու մասին, քանի որ դրանք շատ բարդ է վերացնել:

Հաջորդ թեստը փոքր-ինչ սուբյեկտիվ է. այն ենթադրում է նոթբուքի մակերեսի հոտը ստուգել: Նոր սարքերը ունենում են արդյունաբերական մաքրող հեղուկի հոտ, մինչդեռ վերանորոգվածները մաքրվում են տնային մաքրող միջոցներով, որոնք ունենում են հատուկ բուրմունք և նոթբուքի մակերեսը դարձնում են կարծես թե «օճառոտ»:

Չմոռանա՛ք ստուգել նոթբուքի սերիական համարը, որը, կախված մոդելից, լինում է սարքի հետևում կամ մարտկոցի վրա:

Բացե՛ք command prompt և հավաքե՛ք c:\>wmic bios սերիական համարը ստուգելու համար: Համեմատե՛ք BIOS սերիական համարը chassis սերիական համարի հետ: Եթե դրանք չեն համընկնում, ապա նոթբուքը կարող է օգտագործված լինել: Դուք կարող եք նաև այցելել արտադրողի կայք և սերիական համարով ստուգել տվյալ նոթբուքի կարգավիճակը: Սակայն այս ֆունկցիան հասանել չէ բոլոր նոթբուքերի համար:

Սովորաբար, արտադրողին վերադարձված նոթբուքերը իրենց սերիական համարի վերջում ունենում են R տառը, ինչպես օրինակ՝ CN174UA#ABA ՝ նորի համար և CN174UAR#ABA ՝ վերանորոգվածի համար:

Կարող եք ստուգել նաև նոթբուքի հետևում նման գրության առկայությունը «This is a refurbished laptop and contains used parts» (սա վերանորոգված նոթբուք է և պարունակում է օգտագործված մասեր):

Ստուգե՛ք ընդհանուր նոթբուքը՝ Driver CD-ն, բրոշյուրները և այլն:

Վերանորոգված նոթբուքերը ունենում են ավելի կարճ երաշխիքային շրջան՝ 3 ամիս:

Վերանորոգված համակարգիչ ձեռք բերելը կարող է ձեռնտու գործարք լինել, եթե Դուք ցանկանում եք ունենալ հզոր նոթբուք մատչելի գնով, սակայն, բարոյապես արդար է, երբ վաճառողը չի թաքցնում սարքի իրական վիճակը:

Share.