Աշխարհի առաջին ծալվող էկրանով հեռուստացույցը կհայտնվի շուկայում 2019 թվականին։

0

Հարավկորեական LG ընկերության ծալվող էկրանով իր տեսակով եզակի հեռուստացույցը, որը ներկայացվել էր CES 2018 սպառողական էլեկտրոնիկայի ցուցահանդեսին դուս կգա վաճառքի արդեն իսկ այս տարի։

Առաջին հայացքից 65 դյույմ անկյունագծով այս հեռուստացույցը միացված ժամանակ որևէ արտառոց բանով աչքի չի ընկնում, սակայն նորույթի էկրանը չափազանց ճկուն է, ինչի շնորհիվ էլ այն գլանակի պես փաթաթվում է և տեղադվորվում իր պատվանդանի մեջ, մինչդեռ ոչ մի վնաս չհասցնելով էկրանին կամ հեռուստացույցի ձայնային համակարգին։

Ինչպես նշում են LG տեխնոլոգիական ընկերության մասնագետները հեռուստացույցի էկրանի ծալվելու ունակությունը փորձարկվել է մոտ 50.000 անգամ ու դրա հետևանքով որևէ վնասվածք չի առաջացել:

Ընկերությունը երաշխավորում է, որ նույնիսկ օրական ութ անգամ միացնելու ու անջատելու դեպքում այս հեռուստացույցը կծառայի Ձեզ 17 տարի:

Երբ հեռուստացույցը չի օգտագործվում, այն կարելի է հեշտորեն հավաքել և թաքցնել փոքր ուղղանկյունաձև «տուփի» մեջ, որպեսզի վերջինս ավելորդ տեղ չգրավի։

Ինչպես նաև հեռուստացույցը հեշտությամբ կարելի է տեղափոխել մի վայրից մյուսը, քանի որ ծալվող գլանաձև էկրանը շատ ավելի քիչ տեղ է զբաղեցնում։

Տեխնիկական բնութագրից նշենք, որ հեռուստացույցը համալրված է է 4K Ultra HD (3840×2160) դիսփլեյով։

Հայտնի է, որ հեռուստացույցը վաճառքում կհայտնվի արդեն իսկ ընթացիկ տարվա երկրորդ կեսին, սակայն նորարարական սարքի գնի մասին դեռևս տեղեկություններ չկան։ Ենթադրաբար այն կարժենա շատ թանկ։

Share.