Ցանկանում ե՞ք չեղարկել ուղարկած նամակը WhatsApp-ում։ Այժմ դա հնարավոր է։

0

WhatsApp հավելվածի օգտատերերը ուրախ կլինեն իմանալ, որ ընկերությունը ավելացրել է «Delete for Everyone» անունը կրող նոր առանձնահատկություն, որը թույլ է տալիս ջնջել վերջին ուղարկված հաղորդագրությունը և հեռացնել այն զրույցից:

Ինչպես հայտնի է դարձել, այս առանձնահատկությունն օգտվողների կողմից ամենապահանջվածներից մեկն էր։

Այնպես, որ այսուհետև WhatsApp-ից օգտվողները հաղորդագրությունն ուղարկելուց հետո կկարողանան հեշտությամբ ջնջել իրենց ուղարկած նամակը թե իրենց, թե զրուցակցի չաթից: Ինչպես նաև, հաղորդագրությունը կանհայտանի նաև ծանուցումների վահանակից։ Սակայն հաշվի առեք, որ այս ֆունկցիան գործում է հաղորդագրությունն ուղակելուց հետո՝ 7 րոպեի ընթացքում։

Նամակը ջնջելուց հետո երկու օգտատերերի չաթում հաղորդագրության փոխարեն կհայտնվի «this message was deleted» արտահայտությունը: «Delete for Everyone» ֆունկցիայի հետ միասին օգտատերերին առաջարկվում է նաև «Delete for Me» տարբերակը, որը հեռացնում է նամակը միայն ձեր հեռախոսից։ Նշենք, նաև որ այս նոր ֆունկցիան գործում է նաև խմբակային չաթի համար։

maxresdefault

Այս նոր առանձնահատկությունից օգտվել ցանկացողներին անհրաժեշտ թե iOS, թե Android, թե Windows Phone սարքերի համար ներբեռնել WhatsApp հավելվածի վերջին՝ թարմեցված տարբերակը։ Իհարկե, նկատի ունցեք, որ ֆունկցիան կաշխատի միայն այն դեպքում, եթե ձեր զրուցակակիցը (նամակ ստացողները) իր սմարթֆոնում նույնպես տեղադրել է WhatsApp-ի վերջին տարբերակը:

Հիշեցնենք, որ այս առանձնահատկությունըհ արդեն վաղուց հասանելի է հանրահայտն հավելվածներում, ինչպիսիք են Telegram-ը, Viber-ը և այլն։

Share.