ԱՄՆ բանակի հատուկ ուժերի ծառայողները փոխարինում են իրենց Samsung-ները iPhone-ններով

0

Լավ նորություն Android-ի երկրպագուների համար՝ համաձայն FoxNews-ի՝ ԱՄՆ բանակի հատուկ ուժերը, ինչպես օրինակ Delta Force և Army Rangers էլիտար միավորումները, ներկայումս օգտվում են Samsung-ի կողմից ստեղծված համակարգով աշխատող հեռախոսներից:

Վատ նորություն Android-ի երկրպագուների համար՝ այդ հեռախոսներն այնքան արագ են շարքից դուրս գալիս, որ ղեկավարության որոշմամբ դրանք փոխարինվում են iPhone-ններով:

Այս լուրն առաջին անգամ հաղորդվել է DOD Buzz-ի կողմից, որը նշում է, թե iPhone-նն «ավելի արագ ու սահուն է աշխատում, երբ Android-ը հաճախ «կախում է»»: Խնդիրները հատկապես նկատելի են դառնում, երբ անհրաժեշտ է լինում կատարել միանգամից մի քանի գործողություն, ինչպես օրինակ՝ միաժամանակ նայել քարտեզին և հրթիռից արված նկարներին կամ ուղիղ հեռարձակմամբ վիդեո նկարել:

Որպես արդյունք՝ հատուկ ուժայինները փոխարինում են իրենց Samsung հեռախոսները iPhone 6S-ներով, որոնք, փաստացի, օգտագործվում են որպես ցանցային ռադիոյին միացված սմարթֆոններ: Դրանք կիրառվում են տեղեկատվության փոխանցման համար, ցույց տալով ծառայակից և թշնամի ուժերի դիրքերը քարտեզի վրա, հետախուզական նշանակության նկարներ ուսումնասիրելու և այլ ռազմական նպատակների համար:

Սակայն անհրաժեշտ է նշել, որ զինվորական տեխնիկայի հարցում փոփոխություններ կատարելու բարդությունն ու ժամանակատարությունը տեղիք է տալիս մտածելու, որ խոսքը գնում է հին Galaxy S3-ի մասին, ինչն էլ անարդար է դարձնում համեմատությունը iPhone 6S-ի հետ: Այնուամենայնիվ, այս լուրը շատ վատ փիառ է Samsung-ի համար:

Share.