ԱՄՆ կառավարությունը շատ շուտով կարող է օրինականացնել ինքնակառավարվող մեքենաները

0

Ներկայումս ԱՄՆ-ում ինքնակառավարվող մեքենաների հանդեպ վերաբերմունքը ոչ միանշանակ է: Որոշ նահանգներ թույլատրում են փորձարկել կիսա-ինքնակառավարվող մեքենաներ, որոշները՝ կտրականապես դեմ են Google-ին, Uber-ին, և անգամ General Motors-ի նման առաջատար ավտոարտադրողներին, որոնք փորձարկումներ են կատարում իրենց նահանգներում:

Իրավիճակը կարող է փոխվել հուլիս ամսին, երբ National Highway Traffic Safety Administration-ը (NHTSA) հրապարակի ինքնակառավարվող մեքենաների համար դաշնային ուղեցույցները, որոնք, հավանաբար, ավելի մեղմ կլինեն ինքնակառավարվող համակարգերի փորձարկումների և հանրության կողմից դրանց օգտագործման հնարավոր օրինականացման հարցերում:

ԱՄՆ-ի տրանսպորտի դեպարտամենտը այս հարցի վերաբերյալ աշխատում է 4 հիմնական ուղղություններով: Դրանք են՝ ինքնակառավարվող մեքենաների գործարկումը, պետական քաղաքականության մշակումը, ավելի հստակ տերմինաբանության և նոր գործիքների ներմուծումը:

Գործարկումը նոր ճանապարհ կբացի ավտոարտադրողների համար դեպի շուկա, պայմանով, որ սպառողները ծանոթ են կիսա-ինքնակառավարվող համակարգերին և դրանց կիրառմանը: Հավանաբար, նոր գործիքների ներմուծումը ևս միտված կլինի հանրությանը կրթելուն, և այդպիսով, ինքնակառավարվող մեքենաների գործարկումն արագացնելուն:

Պետական քաղաքականության և տերմինաբանության հստակեցման հարցերը ինքնակառավարվող մեքենաների գործարկման մեջ ևս կարևոր դեր ունեն: Շատ ավտոարտադրողներ չեն ցանկանա գործարկել իրենց մեքենաները քանի դեռ հնարավոր են որոշակի խնդիրներ օրենքի հետ, որոնք կդանդաղեցնեն փորձարկման և կոմերցիոնալիզացիայի փուլերը:

Share.