ԱՄՆ-ում Huawei-ը հայտնվել է «սև ցուցակում»: Google-ը արգելափակում է Android-ը Huawei-ի համար։

0

Միացյալ Նահանգների առևտրի նախարարությունը արգելել է ամերիկյան ընկերություններին օգտվել առաջատար Huawei-ի արտադրանքից՝ ընդգրկելով այն «սև ցուցակի» մեջ:

Բացի այդ, սև ցուցակում են հայտնել Huawei-ի հետ կապ ունեցող ևս 70 ընկերություն:

ԱՄՆ կառավարությունը մեկնաբանում է արգելափակման պատճառը, նշելով, որ ըստ իրենց ունեցած տեղեկությունների, ԱՄՆ-ի տարածքում Huawei-ի ազատ գործունեությունը սպառնում է ինչպես երկրի ազգային անվտանգությանը, այնպես էլ արտաքին քաղաքական շահերին:

Այնպես, որ այս քայլով գերտերությունը ցանկանում է զերծ պահել մարդկանց անախորժություններից:

Չինական տեխնոլոգիական ոլորտի առաջատար համարվող Huawei-ն, մասնավորապես, մեղադրվում է Իրանին արգելված ֆինանսական ծառայություններ մատուցելու, ինչպես նաև այդ խախտումների հետաքննությանն ԱՄՆ-ում խոչընդոտելու մեջ։

Ի պատասխան, Huawei-ն ի հայտ է եկել հայտարարությամբ՝ նշելով, որ նման արգելափակումը վնաս է հասցնելու միայն ԱՄՆ-ին:

Նշենք նաև, որ Google-ը նույնպես դադարեցրել է համագործակցությունը Huawei-ի հետ՝ զրկելով վերջինիս Android օպերացիոն համակարգն օգտագործելու հնարավորությունից։

Պարզ է, որ տեխնոլոգիական հսկայի նման որոշումը, կարող է լուրջ հարված հանդիսանալ չինական ընկերության համար և մեծ վնասներ հասցնել։
Ինչպես հայտնում են լրատվամիջոցները, Huawei նոր սմարթֆոններն այլևս չեն մուտք դեպի Gmail, Google Maps և Google Play store հավելվածները։

Թե ինչ օպերացիոն համակարգով են աշխատելու Huawei-ի դեռևս չթողարկված գաջեթները, ընկերույթունը չի մանրամասնել։

Իսկ արդեն օգտագործվող մոդելների օգտատերերը դեռևս կկարողանան օգտվել Google Play և մյուս հավելվածներից, սակայն ապագայում հնարավորություն չեն ունենա թարմացնել Android օպերացիոն համակարգն կամ նոր տարբերակներ ներբեռնել:

Share.