Իսրայելում տեռորիստական հարձակումից տուժածները դատի են տվել Facebook-ին՝ պահանջելով 1 միլիարդ դոլար

0

Իսրայելում տեղի ունեցած վերջին հինգ տեռորիստական հարձակումների զոհերի ընտանիքները դատի են տվել Facebook-ին՝ պահանջելով ավելի քան 1 միլիարդ դոլար՝ պնդելով, որ սոցիալական կայքն օգնել է հանցագործներին իրենց գրոհը պլանավորելու մեջ:

dsc_0173-100670865-largeՆյու Յորքի դատարանում ընթացող դատավարությունը մեղադրում է Facebook-ին պաղեստինյան Համաս ահաբեկչական կազմակերպության անդամների հավաքագրման, կապի ապահովման և հարձակումների պլանավորման աջակցման մեջ:

Դատական գործի հայցվորները Իսրայելում վերջին երկու տարիներին հինգ տեռորիստական հարձակումների զոհերի ընտանիքների անդամներն են: Վերջին հարձակումը տեղի է ունեցել մարտի 8-ին Թել Ավիվում, որի հետևանքով զոհվել է ամերիկայի 29-ամյա քաղաքացի Թեյլոր Ֆորսը: Նախորդ հարձակումների ընթացքում զոհերի թվում ևս եղել են 4 ԱՄՆ քաղաքացիներ և մեկ վիրավոր:

Դատական գործը, որը բացվել է երկուշաբթի օրը հիմնված է 1992 թ Հակա-ահաբեկչական ակտի վրա, որն արգելում է ԱՄՆ-ում հիմնված բիզնեսներին նյութական աջակցություն ցուցաբերել տեռորիստական կազմակերպություններին:

«Այս դատական գործը չպետք է զարմանալու լինի Facebook-համար, որը գիտակցաբար տարիներ շարունակ տրամադրել է իր սոցիալական մեդիա հարթակն ու ծառայությունները Համասին, նրա ղեկավարներին և անդամներին՝ չնայած բազմաթիվ բողոքներին ու զգուշացումներին», – ասել է իսրայելցի իրավաբան Դարշան-Լեյթները:

Facebook-ը ուղղակիորեն չի մեկնաբանել դատավարության մասին լուրերը, սակայն նշել է, որ ցանկանում է, որպեսզի մարդիկ իրենց ապահով զգան Facebook-ից օգտվելիս: «Facebook-ում չկա տեղ բռնության քարոզի, սպառնալիքների կամ ահաբեկչության համար: Facebook-ի օգտատերերը, ովքեր տեսնում են բռնություն քարոզող նամակներ պետք է դրանք report անեն, որպեսզի մենք կարողանանք ուսումնասիրել դրանք և համապատասխան քայլեր ձեռնարկել»:, – հայտնել են կազմակերպության ներկայացուցիչները:

Համասը ևս չի արձագանքել դատավարության մասին մեկնաբանությունների հայցին:

Դարշան-Լեյթների խոսքերով՝ սոցիալական մեդիան դարձել է միջազգային տեռորիզմի «անհրաժեշտ բաղադրիչը»:

Հայցվորները բողոքում նշում են, որ «Համասը գիտակցում է Facebook-ի հսկայական ներուժը իրենց հաղորդակցման կազմակերպման, անդամների ներգրավման, հանցանքների պլանավորման ու իրագործման գործում: Տարիներ շարունակ Համասը պահպանել և օգտվել է իր պաշտոնական Facebook account-ներից առանց որևէ խոչընդոտի կամ միջամտության»:

Share.