Հնարավոր է արդյո՞ք հետևել մարդկանց վեբ-կամերայի միջոցով։

0

IT ոլորտի անվտանգության փորձագետ Steven Fox-ը համակարգչով ընկերների հետ զրուցելիս անսպասելիորեն սկսում է ստանալ տարօրինակ նամակներ: Պատկերացրեք նրա զարմանքը, երբ նամակներից մեկը բացելով՝ նա տեսնում է վարկյաններ առաջ արված իր պատկերը զրույցի ընթացքում։

Ինչպես նշում է Steven Fox-ը հեքերները կոտրել էին իր վեբ տեսախցիկը՝webcam-ը վիրուսային ծրագրի օգնությամբ ապացուցելու համար, որ իրենք կարող են ներխուժել համակարգչային համակարգեր։ Իհարկե Fox-ը շատ արագ փակեց webcam-ը, սակայն ստիպված եղավ տեղադրել իր օպերացիոն համակարգը կրկին, քանի որ իր համակարգչում հայտնաբերել էր վիրուս։

Վեբկամերաների ռիսկերը

Անշուշտ, վեբկամերան թույլ է տալիս մեզ կապի մեջ լինել մեր ընկերների և ընտանիքի հետ, սակայն պետք է հաշվի առնել այն ռիսկը, որ այն հնարավոր է կոտրել, և դուք հնարավոր է դառնաք լրտեսման զոհ։ Վերջերս Պենսիլվանիայում դատի են տվել մի ամբողջ դպրոցական շրջան, որը օգտագործելով դպրոցի կողմից տրված նոթբուքների վեբկամերաները՝ հետևել է իր ուսանողներին և նրանց ընտանիքներին: Ինչպես նաև Չինաստանում հաքերների մի խումբ հայտնի որպես GhostNet կոտրել է 1,295 վեբկամերա 103 երկրներում:

webcam-e1371491265770«Քանի որ նոթբուքների մեծ մասը այժմ ունի ներկառուցված տեսախցիկ, անհրաժեշտ է հասկանալ և գնահատել ռիսկերը», – ասում է IT-Harvest հետազոտական ընկերության փորձագետ Richard Stiennon-ը։  Ընկերություն, որը մասնագիտացած է ինտերնետ-անվտանգության հարցում: «Մենք բոլորս պետք է տեղյակ լինենք, որ մեր ամեն մի գործողություն կարող են իմանալ», – նշել է Stiennon-ը։

Ինչպե՞ս են հաքերները հարձակվում վեբկամերաներին

Շատ հաքերներ օգտագործում են այսպես կոչված Trojan horse-ը։ Դուք սեղմում եք հավելվածի վրա կամ բեռնում եք տեսահոլովակ, որը վարակված է վիրուսով իսկ հաքերները կարողանում են հեռակա կերպով վերահսկել ձեր համակարգչի գործառույթները:

Բարեբախտաբար, դուք կարող եք քայլեր ձեռնարկել ձեր վեբկամերան ապահով պահելու համար։ Փորձագետները առաջարկում ենք հետևյալը․

tape-on-webcam-macbook

  • Մի սեղմեք կասկածելի հավելվածների վրա: Վերջինիս մասին բոլորը լսել են, սակայն շատ հաճախ մենք սեղմում ենք առանց մտածելու: Անվստահելի Էլ․փոստերից ստացված կցված ֆայլերը հաճախ պարունակում են վիրուսներ։ Ինչպես նաև խուսափեք կասկածելի կայքերի կողմից առաջարկվող անվճար երաժշտություն, հեռուստահաղորդումների կամ տեսանյութեր ներբեռնելուց։
  • Օգտագործեք firewall-ը։ Firewalls-ը պաշտպանում է անցանկալի traffic-ից։ Բոլոր համակարգիչներում կա ներկառուցված firewall։ Համոզվեք, որ այն միացված է: Եթե օգտագործում եք Windows օպերացիոն համակարգ, սեղմեք Windows էկրանի ստորին ձախ անկյունում Ձեր, որոնեք Windows Firewall և ստուգեք firewall-ի պարամետրերը: Եթե օգտագործում եք Mac OS, բացեք System Preferences սեղմեք Sharing, ապա ընտրեք Firewall և սեղմեք Start։
  • Օգտագործեք ապահվոր anti-virus։
  • Անվտանգ ինտերնետ կապ։ Համոզվեք, որ Ձեր անլար կապը պաշտպանված է գաղտնաբառով։
  • Մի խոսեք անծանոթների հետ։ Խուսափեք IM զրույցներից այն մարդկանց հետ ում չեք ճանաչում։
  • Ուշադիր եղեք վեբկամերայի լույսի ցուցիչին։ Արտաքին վեբկամերաների դեպքում սովորաբար վառվում է կարմիր լույս, եթե այն աշխատում է, իսկ նոթբուքների դեպքում՝ կապույտ կամ կանաչ։ Արտաքին վեբկամերան օգտագործելուց հետո խորհուրդ է տրվում այն պարզապես անջատել USB պորտից։

Եվ վերջապես ամենակարևորը․ ծածկեք վեբկամերան կպչուն թղթով։ Իհարկե այս խորհուրդը կարող է ծիծաղելի թվալ, սակայն այժմ կարող եք վստահ լինեն, որ ոչ ոք չի հետևում Ձեզ։

Share.