Բոլոր վեբ կայքերը կանհետանան, և դա տեղի կունենա շատ ավելի շուտ, քան կարծում եք։

0

Որպեսզի հասկանանք, թե ինչպես է այս ամենը տեղի ունենալու, անհրաժեշտություն չկա սպասել մինչև 2022 թվականը: Apple-ի և Google-ի նման ընկերությունները արդեն իսկ առաջարկել են պրոդուկտներ, որոնք, ակնհայտորեն, ցույց են տալիս, թե ինչպես է աշխատելու էլեկտրոնային առևտուրը՝ e-commerce-ը։

Մոռացե՛ք, հաճախորդների աջակցության համար նախատեսված էջը, ապագայում նման էջերի դուք չեք հանդիպի համացանցում։

Ըստ LivePerson-ի գլխավոր մասնագետի՝ Ալեքս Սպինելիի, խնդիրների մեծ մասը, որը մենք այժմ լուծում ենք վեբ կայքերի և հավելվածների օգնությամբ, ապագայում կվերամշակվեն հաղորդագրությունների փոխանցման և ձայնային ծրագրերի միջոցով, ինչպիսիք են iMessage-ը, WhatsApp-ը և Amazon-ի Alexa-ն։

Այսօր, այնպիսի ընկերություններ ինչպիսիք են՝ Home Depot-ը, T-Mobile-ը և Discover- ը, կառավարում են հաճախորդների սպասրկման համար նախատեսված չաթերը LivePerson-ի օգնությամբ: Եվ չնայած այն հանգամանքին, որ այս չաթերը այժմ զարթոնք են ապրում շնորհիվ սմարթֆոնների, պետք է նշենք, որ LivePerson-ը հիմնադրվել է դեռևս 1995 թվականին։

LivePerson-ի ժամանակակից տեսլականն այն է, որ այլևս չեն լինելու անհարմար մենյուներ, օնլայն գնումների համար նախատեսված զամբյուղներ, և, իհարկե, URL հասցեներ:

Ներկայումս, այս ամենը առաջին հայացքինց կարող է մեզ թվալ  «Մեծ թռիչք», սակայն Սպինելին համոզված է, որ հինգ տարի անց մենք կապրենք այնպիսի աշխարհում, որտեղ չկան վեբ կայքեր, իսկ հավելվածների քանակը սահմանափակ է։

«Ձեր սմարթֆոնների հավելվածների թիվը աղետալի է», – ասում է Սպինելին: «Իմ iPhone-ում առկա են 127 հավելվածներ, որոնք ունեն թարմացման կարիք:»

Մինչդեռ վեբ կայքերը կանհետանան, մարդիկ կշարունակեն օգտվել դիսփլեյներից: Սպինելիի տեսլականի համաձայն, ապագայում էլեկտրոնային առևտուրը կսկսվի դիսփլեյի ներքև հատվածում ցուցադվող ապրանքներից: Հաճախորդները կդիտեն ապրանքները, կընտրեն այն իրերը, որոնք ցանկանում են գնել, և անմիջապես կվճարեն այնպիսի վճարային համակարգերով, ինչպիսին է օրինակ՝ Apple Pay-ը: Եվ այս ամենը, իհարկե, տեղի է ունենում չաթի պատուհանում։

Այս տեսլականը այնքան էլ երևակայական չէ, ի համեմատ, այն ամենի, ինչ ունենք այսօր շուկայում։

Apple-ը և Google-ը պատրաստ են այս ապագային։

LivePerson ներկայացրել է նոր հավելված Voice Assistants-ի համար։ Այն կոչվում է LiveEngage և թույլ է տալիս հաճախորդներին համագործակցել բրենդների հետ ձայնային օգնականի միջոցով, ինչպես՝ Alexa-ն, երբ նրանք գտնվում են տանը։ Այնուհետև տեղափոխել այս խոսակցությունը դեպի սմարթֆոն, երբ հաճախորդը դուրս է գալիս տնից:

5b0f145d1ae66242008b4971-750-1500LiveEngage-ի հիմնական գաղափարը այն է, որ հաճախորդները կարող են ունենալ շարունակական զրույց տարբեր ձևերով։

Amazon-ում հինգ տարի աշխատելուց հետո, Սպինլին միացել է LivePerson-ի թիմին մարտին։ Սկզբնական շրջանում, Amazon-ում Սպինելին զբաղեցնում էր Amazon Search-ի տնօրեննի պաշտոնը, ապա ղեկավար պաշտոն՝ Alexa OS-ում։

Երբ նա իմացավ, որ Apple-ը և Google-ը իրենց սմարթֆոնների ՕՀ-ում ավելացրել են խոսակցական առևտրի համար նախատեսված պրոդուկտներ, Սպինելին որոշեց համալրել LivePerson-ի թիմը։

Apple Business Chat-ը (ABC) անցյալ տարի մեկնարկվեց բետա տարբերակով։ Վերջինս, թույլ է տալիս հաճախորդներին գտնել տարատեսակ ապրանքանիշներ iMessage-ում և համագործակցել դրանց հետ`պլանավորել հանդիպումների և կատարել գնումներ:

Android-ում անալոգային տարբերակ է՝ Rich Communication Services-ը (RCS), որը ներկայումս նույնպես հասանելի է բետա տարբերակով։

LivePerson-ն զբաղվում է ABC և RCS-ի գործնական զրուցների բեքենդով։

Կարևոր է նշել, որ սա թույլ է տալիս ընկերություններին օգտագործել մեկ ինտերֆեյս, որը հաճախորդների համար առավել հարմար է:

LivePerson-ը նաև օգտագործում է արհեստական ինտելեկտ որոշակի հարցերին ավտոմատ կերպով պատասխանելու համար, և փոխանցում է զրույցը իրական աշխատակցին, երբ խոսակցությունը բարդանում է:

Share.