Օգատերերի որ սխալներն են խոցելի դարձնում համակարգիչը։

0

Տեղեկատվական անվտանգության ոլորտում ծրագրային լուծումներ առաջարկող Avast ընկերության փորձագետները ներկայացրել են հիմնական սխալները, որոնք գործում են օգտատերերը՝ վտանգելով իրենց համակարգչի անվտանգությունը:

Ինչպես նշվում է ընկերության 2018 թվականի զեկույցում, օգտատերերի ճնշող մեծամասնությունը աշխատում է ծրագրերի ոչ ակտուալ տարբերակներով և անտեսում ծրագրային թարմացումները՝ վտանգի տակ դնելով իրենց սարքերի ապահովությունը։

Մասնագետները նման եզրահանգման են եկել՝ ուսումնասիրելով 163 մլն համակարգիչների տվյալներ, որոնցում տեղադրված են եղել Avast ընկերության պրոդուկտները:

Ուսումնասիրությունը ցույց է տվել, որ Windows օպերացիոն համակարգով աշխատող համակարգիչներում առկա ծրագրերի 55%-ը թարմացված չեն, հետևաբար՝ խոցելի են:

Հայտնի ծրագրերի հնացած տարբերակների ցանկը գլխավորում է Adobe Shockwave-ը, VLC Media Player-ը և Skype- ը:

Նշվում է, որ օգտագործողների 94%-ի համակարգիչներում գործում է Skype-ի հին տարբերակը, 85%-ն օգտագործում է հին Mozilla Firefox, իսկ 77%-ը՝ չթարմացված iTunes:

Օգտատերերը մոռանում են թարմացնել ոչ միայն ծրագրերը, այլև օպերացիոն համակարգը: Զեկույցում նշվում է, որ Windows 10-ից օգտվում է աշխարհի շուրջ 40% -ը, այնինչ Windows 7-ից`43%-ը:

Իհարկե նորություն չէ, որ ժամանակակից համակարգիչների մեծ մասը խոցելի են անհատական տվյալները գողանալու տեսանկյունից։

Այնպես որ ընկերությունում ահազանգել են, որ հաքերները կարող են գողանալ համակարգչում եղած տեղեկատվությունը՝ հնացած ծրագրերի օգնությամբ:

Հետազոտությունում նաև նշվել են 2018թվականի աշխարհում ամենաշատ ներբեռնված համակարգչային ծրագրերը։ Դրանք են Google Chrome-ը, Adobe Reader-ը, WinRAR-ը, Microsoft Office-ը և Mozilla Firefox-ը։

2019 Avast PC Report-ին ամբողջությամբ կարող եք ծանոթանալ ընկերության պաշտոնական կայքում (նշենք, որ այն անգլերեն լեզվով է):

Share.