WhatsApp-ում զանգերը դարձել են վտանգավոր։

0

WhatsApp մեսենջերի մշակողները ծրագրում խոցելիություն են հայտնաբերել, որը հաքերներին հնարավորություն է տվել գաղտնի կերպով լրտեսական ծրագրեր տեղադրել մի շարք օգտատերերի սմարթֆոններում։

Այս մասին հայտնում է Financial Times (FT) թերթը, նշելով, որ խոցելիությունը հայտնաբերվել է մեկ շաբաթ առաջ:

Վտանգավոր սխալը հայտնաբերվել է  ձայնային զանգերի համակարգում։

Ինչպես արդեն նշեցինք, հաքերները վնասակար ծրագրերի տեղադրման համար օգտագործել են ձայնային զանգերը դեպի իրենց զոհի սմարթֆոնը: Ընդ որում վնասակար ծրագրային կոդը ներբեռնվել է սմարթֆոնում, նույնիսկ այն դեպքում երբ բաժանորդը չի վերցրել հեռախոսը, իսկ զանգի վերաբերյալ տեղեկությունները հեռացվել են հեռախոսի հիշողությունից: Այսինքն, ներգնա զանգի մասին տվյալները չեն արտացոլվել եկած զանգերի ցանկում։

Խոցելիությանը ենթակա են ինչպես Android օպերացիոն համակարգով աշխատող սմարթֆոնները, այնպես էլ iOS-ով:

Ինչպես նշում Է Financial Times պարբերականը, վնասակար ծրագրի մշակողն եղել է խսրայելյան NSO Group մասնավոր ընկերությունը, որը զբաղվում Է կիբեռհետախուզության միջոցների արտադրությամբ:

Ամենից հաճախ սմարթֆոներում տեղադրվել է այսպես կոչված Pegasus ծրագիրը, որը թույլ է տալիս հաքերներին հեռակա կարգով միացնել սմարթֆոնի տեսախցիկն ու բարձրախոսը, ուսումնասիրել հաղորդագրություններն և էլ․փոստը, ինչպես նաև տվյալներ հավաքել օգտատերի գտնվելու վայրի մասին:կ

Հիշեցնենք, որ ներկայումս WhatsApp-ից օգտվում է մոտ 1,5 մլրդ մարդ ամբողջ աշխարհում:

Sky News հեռուստաալիքի տվյալներով՝ այս կիբեռգրոհի արդյունքում տուժել  է մի քանի տասնյակ օգտատերերի տվյալներ:

WhatsApp-ի ղեկավարությունը խորհուրդ է տվել օգտատերերին թարմացնել հավելվածը՝ խուսափելու համար անհատական տվյալների արտահոսքից:

Նշենք, որ վերջին թարմացումը, որը վերացնում է խոցելիությունը, մեսենջերը թողարկել է մայիսի 13-ին:

Share.