WhatsApp-ը կդադարի աշխատել որոշ սմարթֆոնների համար 2018-ից։

0

WhatsApp բջջային հաղորդագրությունների փոխանակման ծառայությունը, որից այժմ օգտվում է մոտ մեկ միլիարդ մարդ, առաջին անգամ գործարկվել է 2009 թվականին։ Սակայն 2018 թվականի հունվարից WhatsApp մեսենջերը, ցավոք, կդադարի գործել որոշ օպերացիոն համակարգով աշխատող սմարթֆոնների և գաջեթների համար։

Այսպիսով, ինչպես պաշտոնապես հայտարարել է ընկերությունը, արդեն իսկ հունվարի 1-ից WhatsApp-ը չի աշխատի այն սմարթֆոններում, որոնցում տեղադրված է Windows 8.0 ОС-ն կամ ավելի վաղ տարբերակները, ինչպես նաև BlackBerry և BlackBerry 10 օպերացիոն համակարգերը:

Ընկերությունը նշել է, որ այս օպերացիոն համակարգերի աջակցությունից հրաժարումը տեղի կունենա աստիճանաբար, սակայն ի վերջո՝ կարճ ժամանակահատվածում այս սարքերի օգտատերերի համար WhatsApp հավելվածի բոլոր ֆունկցիաները պարզապես անհասանելի կդառնան։

Բացի, այդ օգտատերերը չեն կարողանա կրկին գրանցվել կամ նոր հաշիվներ ստեղծել:

Նշենք, նաև որ հաջորդ տարի WhatsApp-ի թիմը որոշել է դադարեցնել մեսենջերի աշխատանքը նաև Nokia S40-ի և S60-ի համար, իսկ մինչև 2020 թվականի փետրվարի 1-ը ընկերությունը նախատեսում է այս «ցանկին ավելացնել» Android 2, 3, 7 և ավելի հին օպերացիոն համակարգերով աշխատող սարքերը։

«Այս գաջեթները և սմարթֆոնները մեր պատմության կարևոր մի մաս են եղել, սակայն դրանք այլևս ի վիճակի չեն ապահովել այն նոր գործառույթները, որոնք ապագայում հայտնվելու են WhatsApp-ում», – ասվում է ընկերության գրառման մեջ։

Եվ ինչպես խորհուրդ են տալիս ծրագրի հեղինակները, եթե օգտագործում եք այս սարքերից որևէ մեկը, ապա ժամանակն է թարմացնել այն՝ գնելով նոր Android, iPhone կամ Windows Phone:

 

Share.