Ինչո՞ւ է անհրաժեշտ անջատել Wi-Fi-ի սարքը գիշերը։

0

Մի շարք մասնագետներ համարում են Wi-Fi-ը «լուռ թշնամի» և հավաստում, որ Wi-Fi-ի սարքը ռադիացիայի աղբյուր է։

Անկասկած, նոր տեխնոլոգիաները փոխել են աշխարհը և ընդլայնել մեր հնարավորությունները տարբեր բնագավառներում՝ աշխատանքի, զվարճանքի և  հաղորդակցման։

Անմերժելի փաստ է, որ անլար ինտերնետը մեր կյանքում շատ կարևոր դեր է խաղում, քանի որ այն մեզ հնարավորություն է տալիս օգտվել տարբեր օգտակար գործիքներից: Wi-Fi-ի սարքը տեղադրված է մեր բնակարաններում, աշխատավայրերում, հանգստյան տներում, սրճաններում, հյուրանոցներում և հանրային այլ վայրերում։

Դրական կողմերից բացի, հարկ ենք համարում նշել, որ շատ քչերը գիտեն անլար ինտերնետի վտանգների մասին։ Մասնավորապես, որ այն կարող է բացասական ազդեցություն ունենալ առողջության վրա։

Այս հոդվածում կպատմենք, թե ինչով է Wi-Fi-ը վտանգավոր։

Իրականացված մի շարք գիտական ուսումնասիրությունները, որոնց ժամանակ վերլուծվել է էլեկտրամագնիսական ալիքների ազդեցությունը մարդկային ուղեղի ակտիվության և կենսապահովման համակարգի վրա, ցույց են տվել, որ նման ճառագայթումը կարող է նպաստել քաղցկեղի և այլ հիվանդությունների առաջացմանը։ Ավելին, նման ճառագայթումը կարող է նաև շարունակական գլխացավերի, միգրենի, հիպերակտիվության և քնի խանգարման պատճառ դառնալ։

Այս տեխնոլոգիայի ազդեցությունը երեխաների առողջության վրա նվազեցնելու համար մի շարք երկրներում ինչպիսիք են՝ Անգլիան, Ֆրանսիան և Շվեդիան, նույնիսկ հեռացրել են Wi-Fi-ի սարքերը դպրոցներից, թանգարաններից, գրադարաններից և այլ հասարակական վայրերից։

Այնպես, որ նրանց, ովքեր առնչվում են նման սարքավորումների հետ, խորհուրդ է տրվում ամեն կերպ նվազեցնել Wi-Fi-ի վտանգավոր ազդեցության օրգանիզիմի վրա։

Սակայն հարց է ծագում, թե ինչպես նվազեցնել բացասական ազդեցությունը։

Այսպիսով մասնագետները խորհուրդ են տալիս՝

Առաջին հերթին անջատել Wi-Fi-ի սարքը գիշերը կամ այն ընթացքում, երբ որևէ մեկն այն չի օգտագործում։

Եթե ​​երթուղիչը գտնվում է խոհանոցում կամ ննջարանում, փորձեք այն տեղափոխել ավելի քիչ այցելվող վայր:

Մտածեք կաբելային ցանցի անցկացման մասին, որն առավել անվտանգ է։

Սմարթֆոններն ու համակարգիչն օգտագործեք որոշակի ժամանակ։

Իհարկե, անվիճելի փաստ է, որ անլար բջջային ինտերնետը շատ ավելի հարմարավետ է, սակայն մի մոռացեք, որ Wi-Fi-ի ալիքները մեծ վնաս են հասցնում Ձեր առողջությանը:

Share.