Ինչպես գտնել առանց գաղտնաբառի Wi-Fi ցանկացած վայրում։

0

Երբեմն հեռախոսային կապի բացակայության դեպքում Ձեզ խիստ անհրաժեշտ է լինում Wi-Fi՝ ձեր հարազատների կամ ընկերների հետ կապ հաստատելու համար, երբ գտնվում եք մեկ այլ երկրում կամ չեք միացրել հեռախոսի ինտերնետ կապը։

Այնպես, որ առաջին հերթին Ձեզ մոտ միտք է ծագում գտնել անվճար Wi-Fi նույնիսկ որոշ սահմանափակումներով կամ կարճ ժամանակահատվածով։ Ահա թե ինչպես կարելի է գտնել Wi-Fi, երբ ճանապարհորդում եք կամ գտնվում եք փոխոցում:

Փորձեք գտնել Apple Store (կամ Starbucks կամ McDonald’s)

Որոշ սրճարաններում կամ տեղերում միշտ առկա է անվճար Wi-Fi, անկախ նրանից, թե աշխարհի որ ծայրում եք գտնվում: Apple Store-ը, որը առկա է հիմնական խոշոր քաղաքներում, կգտնեք անվճար ցանց  առանց ստիպված լինելու գնել որևէ բան։

Եթե Ձեր տարածքում Apple Store չկա, ապա Starbucks-ը, McDonald’s-ը և տարբեր այլ սրճարաններ առաջարկում են անվճար Wi-Fi `գրեթե բոլոր միջազգային վայրերում:

Ոչ բոլոր անվճար Wi-Fi-ներն են լիովին անվճար, շատ ռեստորաններ, խանութներ և սրճարաններ առաջարկում են անվճար «Wi-Fi» դրա դիմաց սովորաբար պահանջելով որ դուք այնտեղից ինչ-որ բան ձեռք բերեք նախքան իրենց ցանցի գաղտնաբառերը տրամադրելը: Փնտրեք Wi-Fi հասարակական վայրերում ինչպես օրինակ օդանավակայաններում, կայարաններում և ավտոբուսի կայաններում կամ այն վայրերում, որտեղ կարող են լինել զբոսաշրջիկները՝ թանգարաններ, զբոսայգիներ, հրապարակներ:

Wi-Fi-logo

Օգտագործեք համապատասխան հավելվածներ

Wi-Fi որոնման հավելվածների հիմնական խնդիրն այն է, որ նրանք սովորաբար պահանջում են ինտերնետային կապ: Այսպիսով, եթե ունեք բջջային ինտերնետ կարող եք հեշտությամբ գտնել անվճար Wi-Fi ձեր գումարը խնայելու նպատակով։ Սակայն գոյություն ունեն մի քանի ծրագրեր, որոնք աշխատում են առանց ինտերնետի: Instabridge-ը (Android և iOS) Wi-Fi գաղտնաբառերը տրամադրող հավելված է, որը ավտոմատ կերպով կապվում է մոտակա ցանցերին: Այն ունի մեծ տվյալների բազա՝ 3 միլիոն  WiFi hotspot-եր։ WeFi Pro (Android) նույնպես լավ հավելված է, որը տրամադրում է 200 միլիոն hotspot։

Հարցրեք

Եթե դուք գտնվում եք ռեստորանում, սրճարանում կամ բիզնես կենտրոնում, որը չի առաջարկում անվճար Wi-Fi, միացրեք ձեր հեռախոսի Wi-Fi-ը և բացեք մոտակա ցանցերի ցանկը: Հնարավոր է, որ դուք կտեսնեք բազմաթիվ գաղտնաբառերով ցանցեր։ Փորձեք խնդրել գաղտնաբառը աշխատակիցներից: Շատերը ուրախ են կիսվել իրենց անվճար Wi-Fi-ով։

Share.