Ինչպես արագացնել Wi-Fi-ը տնային պայմաններում

0

Wi Fi-ի ցածր ազդանշանը միշտ չէ, որ կապված է ցանցային խնդիրների հետ, կամ ծառայությունը մատուցող ընկերության պատճառով է։

Ինչպես գիտեք, Wi-Fi-ը իրենից ներկայացնում է ռադիոալիք, որը երթուղանիշը բաշխում սարքավորումների միջև, իսկ անլար սարքերը (ինչպես օրինակ՝ նոթբուքները, սմարթֆոնները, պլանշետները) իրենց հերթին որսում են տվյալ ազդանշանը։ Այս գործընթացի կանոնավոր իրականացման վրա կարող են ազդել տարատեսակ հանգամանաքներ, որոնք արգելակում են ազդանշանի ազատ տարածումը։ Օրինակ՝ ինտերնետի արագության վրա կարող է ազդել այլ էլեկտրական սարքերի առկայությունը, նույն հաճախականությամբ գործող կենցաղային տեխնիկան, ռոութերի դիրքը և այլն։

Այսպիսով, Wi-Fi-ի ազդանշանը տնային պայմաններում բարելավելու և ինտերնետի արագությունը բարձրացնելու համար անհրաժեշտ է հետևել ստորև ներկայացված խորհուրդներին։

Փոխեք ռոութերի գտնվելու վայրը

Wi-Fi-ի կայուն ազդանշան ունենալու համար պետք է ռոութերը ճիշտ վայրում տեղադել։ Հիշեք, ինչքան սարքը բարձր է տեղադրված, այնքան ավելի ուժեղ է ազդանշանը: Խուսափեք այն հատակին կամ համակարգչից՝ հեռու տան հեռավոր անկյուններից մեկում տեղադրելուց:  Հաշվի առեք, որ պատերը և դրանց հաստությունը նույնպես ազդում են ազդանշանի որակի վրա:

Wi-Fi հաղորդիչը պետք տեղադրել միջանկյալ հատվածում, որպեսզի ալիքները հավասար կերպով տարածվեն բնակարանի բոլոր անկյուններում:

Անցում դեպի 5 ԳՀց հաճախականության

Տարատեսակ էլեկտրական սարքերի առկայությունը և դրանց աշխատանքը նույնպես բացասական կերպով կարող են անդրադառնալ ռադիոհաղորդման ազդանշանի վրա։ Խնդիրն այն է, որ երբեմն այդ սարքերը և ռոութերը աշխատում են նույն հաճախականությամբ (սովորաբար, դա 2.4 ԳՀց է )։ Սակայն ռոութերների մեծ մասը կարող է աշխատել նաև 5 ԳՀց հաճախականությամբ:

Այնպես, որ դեպի 5 ԳՀց հաճախականության անցումը թույլ կտա ապահովել առավել բարձր և կայուն ազդանշանի որակ:

Լրացուցիչ սարքավորումների օգտագործում

Հնարավոր է, որ ինտերնետի ցածր արագության պատճառ դառնան ալեհավաքների հետ կապված խնդիրները։ Իրավիճակը կարելի է շտկել սեփական ձեռքերով:

Wi-Fi ազդանշանը բարելավելու համար կա շատ տարածված մի մեթոդ, որը չի պահանջում լրացուցիչ գումար և ջանքեր։ Անհրաժեշտ է տեղադրվել փայլաթիթեղ ալեհավաքի հակառակ կողմում, որի արդյունքում ալեհավաքի ազդանշանը չի ցրվի տարբեր ուղղություններով, այլ կստանա հստակ ուղղություն:

Նման սարքավորում ստեղծելու համար կարող եք օգտագործել նույնիսկ սննդի փայլաթիթեղ կամ մետաղյա շիշ, որպես ռեֆլակտոր։

Share.