Ինչո՞վ է Wi-Fi-ը վտանգավոր մարդու կյանքի համար

0

Տանը և աշխատավայրում մենք մշտապես գտնվում ենք անլար ցանցերի կողմից արձակվող ռադիոազդանշանների ազդեցության ներքո, որոնց պատճառն են հանդիսանում հեռախոսները, համակարգիչները և դրանց միացված այլ սարքերը:

Առաջ է գալիս տրամաբանական հարց՝ որքանո՞վ է այդ ամենը անվտանգ մարդու առողջության համար:

danger_public_wifi_blogԱնլար սարքերի ռադիացիայի մասին ուսումնասիրությամբ գիտնականները զբաղվում են արդեն մի քանի տասնամյակ: Ինչպես և հեռախոսները, այնպես էլ Wi-Fi ռոուտերները, ստանում և ուղարկում են ինֆորմացիա՝ օգտագործելով ռադիոալիքներ, որոնք էլ  հանդիսանում են էլեկտրամագնիսական ռադիացիայի տեսակ:

Համաձայն ուսումնասիրությունների՝ բարձր հաճախականության դեպքում այդպիսի ռադիացիան կարող է մարդկանց մոտ քաղցկեղ առաջացնել: Դրա օրինակն է արևի ուլտրամանուշակագույն ճառագայթների կողմից մաշկի քաղցկեղի առաջացումը:

Սակայն մասնագետների խոսքերով, հաշվի առնելով նման ռիսկերը, բոլոր սարքերի համար սահմանված են հատուկ ստանդարտներ, որոնք պահպանվում են արտադրողների կողմից, այդպիսով, վերացնելով հնարավոր վտանգները:

Նաև նշվում է այն հանգամանքը, որ մեր պատկերացումները այն մասին, թե  ռոուտերը մշտապես ինֆորմացիա է ուղարկում և ստանում՝ արձակելով ռադիոալիքներ, սխալ են, քանի որ, իրականում դա տեղի է ունենում ժամանակի միայն 0.1% -ի ընթացքում:

Մարդու առողջության վրա էլեկտրական սարքերի ռադիացայի տեսանկյունից կարևոր է նաև հաշվի առնել դրանց հեռավորությունը մարդու մարմնից. ինչքան որ ավելի հեռու լինեն դրանք տեղադրված, այդքան ավելի անվնաս կլինեն մարդու համար:

Այնուամենայնիվ, որոշ ուսումնասիրություններ փաստում են, որ անգամ ցածր հաճախականության ռադիացիան վնասում է մարդկանց՝ հանգեցնելով նյարդաբանական և վերարտադրողական համակարգերի խնդիրների և առաջացնելով քաղցկեղ: Ներկայումս դա հավաստում են կենդանիների վրա արված փորձերը:

Նշանակալի է, որ Առողջապահության համաշխարհային կազմակերպությունը հեռախոսները դասակարգել է որպես <<հնարավոր կանցերոգեն>>, այսինքն դեռևս չկան բավարար ուսումնասիրություններ, որոնք ապացուցեն, նմանատիպ սարքերի քաղցկեղ առաջացնելու փաստը:

Ակհնայտ է, որ, ապրելով ժամանակակից հասարակության մեջ, անհար է լիովին ձերբազատվել ռադիոակտիվ ճառագայթների ռիսկերից, սակայն, խելամիտ կլինի զգուշություն ցուցաբերել և դրանք տեղադրել հնարավորինս հեռու, ինչպես նաև չմոռանալ անջատել անլար կապերը, երբ դրանցից չեք օգտվում:

Share.