Panasonic-ի նոր տեխնոլոգիան փոխանցում է ինֆորմացիա մարդու հպման միջոցով

0

Այն կարող է ապագայում օգտագործվել  անվտանգության համակարգերի կատարելագործման կամ ձեռքսեղման միջոցով կոնտակտային ինֆորմացիայի փոխանակման համար

Panasonic-ը մշակել է տվյալների փոխանցման համակարգ, որը ինֆորմացիա է փոխանակում մարդկային հպման միջոցով:

Մարդու մարմնի կոմունիկացիոն պրոտոտիպ հանդիսացող  սարքն ուղարկում է մինչև 100kbps տվյալ մարդկային մաշկի ռադիոդաշտի միջոցով: Երբ այն դիպչում է համապատասխան ընդունիչ կրող առարկայի կամ անձի, տեղի է ունենում տվյալների փոխանակություն:

Սարքն այժմ ներկայացվում է Ճապոնիայի Ceatec electronics շոույի շրջանակներում գունային էֆֆեկտների փոխանցման ցուցադրության միջոցով:

Ցուցադրություններից մեկի ժամանակ մարդու ձեռքում լինում է գույնով կոդավորված գնդակ: Երբ նա հպվում է լամպին միացված սենսորին, գնդակի գույնի տվյալները փոխանցվում են լամպին և դրա գույնը, համապատասխանաբար, փոխվում է:

Այս ցուցադրությունները, թեկուզ և պարզունակ են, սակայն միևնույն է հանդիսանում են ապացույց, որ համակարգն, իրոք, աշխատում է: Panasonic-ն ակնկալում է, որ այն հետագայում կկիրառվի ավելի պրակտիկ նպատակների համար, ինչպես օրինակ՝ ձեռքսեղման միջոցով կոնտակտային ինֆորմացիայի փոխանակումն է, կամ դռներ բացելը բանալին պարզապես դռան փականին հպելով:

Սակայն, ներկա պահին այս տեխնոլոգիան դեռևս շատ մեծ է, որպեսզի որևէ պրակտիկ կիրառում ստանա՝ օրինակ տեղավորվելով սմարթֆոնի կամ ձեռքի ժամացույցի մեջ: Այնուամենայնիվ, Panasonic-ը վստահ է, որ դրա չափերը հնարավոր է մինիմալի հասցնել, եթե նման պահանջարկ առաջանա:

Share.