Արդյոք ռոբոտները օգտակար կլինե՞ն, թե կվնասեն մարդկությանը

0

Ռոբոտներն ունեն զգալի պոտենցիալ մարդկանց կյանքը հեշտացնելու գործում, սակայն միայն այն դեպքում, երբ մարդկանց մոտ ձևավորված լինի ճիշտ մտածողություն, թե ինչպես կիրառել արհեստական բանականությունն ի օգուտ իրենց:

«Մենք պիտի պատասխանատվություն ստանձնենք մեր ստեղծած տեխնոլոգիաների նկատմամբ, ինչի համար անհրաժեշտ է «լայն մտածողություն»» – ասում է արհեստական բանականության գծով պրոֆեսոր Նոել Շարքեյը:

Ըստ նրա՝ աշխարհում կիրառվող ռոբոտների քանակը հսկայական է, ընդ որում, եթե արդյունաբերության մեջ դրանք վաղուց էին կիրառվում, ապա ծառայությունների ոլորտում ռոբոտների կիրառումը նորություն է: 2014թ-ին 4.7 միլիոն «ծառայողական» ռոբոտ է վաճառվել տնային օգտագործման համար, 2018-ին սպասվում է 38 միլիոնի վաճառք:

Չնայած նրանց հսկայական պոտենցիալին՝ մարդիկ, իրականում չեն գիտակցում, թե ինչի կարող են հանգեցնել նման թվերը: Օրինակ՝ ինքնակառավարավող մեքենաները. մենք չգիտենք՝ ինչ արդյունք են դրանք ունենալու մարդկային կյանքերի տեսանկյունից:

Պոտենցիալ վտանգները հատկապես զգալի են ոստիկանական և ռազմական ոլորտներում:

Պրոֆեսորի խոսքով՝ մենք փակ աչքերով մուտք ենք գործում մի նոր աշխարհ, ինչպես դա տեղի ունեցավ ինտերենետի հայտնվելիս:

«Երիտասարդնե՛ր, մենք մեր հույսը ձեզ վրա ենք դնում, սա ձեր ապագան է. մտածե՛ք, թե ինչ եք ստեղծում, մտածե՛ք դրա հանդեպ պատասխանատվության մասին» – ասում է Շարքեյը:

Այն հարցին, թե արդյոք մի օր ռոբոտները կգերազանցե՞ն մարդկանց խելացիությամբ մասնագետներն ունեն տարբեր մոտեցումներ: Սակայն մեկ բան, որի շուրջ բոլորն էլ համաձայն են այն է, որ դա մոտ ապագայում տեղի չի ունենա:

Արհեստական բանականությունը կարող է որոշ բաներում գերազանցել մարդկանց, ինչպես օրինակ համակարգչային շախմատն է, սակայն դեռևս չկա ընդհանուր գերակայության վտանգ՝ համաձայն Շարքեյի:

Share.