Ովքե՞ր ավելի շատ կտուժեն ինքնակառավարվող մեքենաներից

0

Ըստ հետազոտողների մի խմբի զեկույցի, ովքեր հրապարակել են իրենց աշխատանքը Science ամսագրում, հասարակությունը  ինքնակառավարվող տեխնոլոգիաների ապագայի վերաբերյալ ունի հակասական կարծիքներ:

Արդյոք ինքնակառավարվող մեքենաները պիտի կրեն որոշման պատասխանատվություն, թե ում են վթարի ենթարկում՝ ուղևորին, թե՞ հետիոտնին:

Իհարկե, բարդ է պատկերացնել, բայց նոր հետազոտությունն առաջարկում է, որ դա կարող է լինել հենց այն, ինչ մարդիկ սպասում են ինքնակառավարվող մեքենաներից:

google-tesla-muhendisi-aldiՀամաձայն փորձագետների՝ պատահարների 90 տոկոսից կարելի է խուսափել տեխնոլոգիաների միջոցով, որոնք կբացառեն մարդկային սխալի գործոնը: Մնացյալ 10 տոկոսը կապված են ավելի քիչ կառավարելի հանգամանքների հետ, ինչպես օրինակ՝ վատ եղանակային պայմաններ, մեխանիկական խնդիրներ և այլն:

Ըստ հետազոտական խմբի անդամ Իյադ Ռահվանի՝ մարդկանց մեծամասնությունը ցանկանում է ապրել աշխարհում, որտեղ մեքենաները կարող են մինիմումի հասցնել վթարների վնասներն ու զոհերը, սակայն սոցիալական դիլեմման կայանում է նրանում, որ ամեն մեկը նաև ցանկանում է, որպեսզի իր մեքենան առաջին հերթին պաշտպանի հենց իրեն:

«Զարմանալի չէ, որ հասարակ մարդիկ խորությամբ չեն մտածել այս խնդրի էթիկական կողմի մասին» – ասում է Կալիֆորնիայի համալսարանի Էթիկայի և նոր առաջացող գիտությունների ինստիտուտի ղեկավար Պատրիկ Լինը:

Այնուամենայնիվ, հետազոտությունը ցույց է տալիս, որ մարդիկ, իրականում են ցանկանում են ունենալ ինքնակառավարվող մեքենա, որը առաջին հերթին կպաշտպանի ուղևորին, եթե մեքենան պետք է ընտրի պատին հարվածելու կամ հետիոտնին վթարի ենթարկելու միջև:

Ավելի վաղ կատարված հետազոտությունները ցույց են տալիս, որ անվտանգության էթիկայի հարցերում մարդիկ ավելի հակված են ուտիլիտարիստական մոտեցմանը: Բոլորը հիմնականում համաձայն են, որ մեկ ուղևորով մեքենան պետք է ամեն ինչ անի, որպեսզի խուսափի հետիոտնի ամբոխին վթարի ենթարկելուց, սակայն, երբ հարցը դրվում է այնպես, թե արդյոք իրենք պատրա՞ստ են երթևեկել այդպիսի մեքենայով, նրանք պատասխանում են՝ ոչ:

Share.