Ծնվել է աշխարհում առաջին երեք ծնող ունեցող երեխան

0

Պրոցեդուրան տեղի է ունեցել Մեքսիկայում, Միացյալ Նահանգների կարգավորումների շրջանակներից դուրս: Բժիշկները օգտագործել են նոր մեթոդ, համատեղելով երեք մարդկանց ԴՆԹ-ները, որպեսզի կանխեն երեխայի մահացու հիվանդություն ձեռք բերելու ռիսկը:

Գիտնականները Երեքշաբթի օրը հաստատել են, որ աշխարհի առաջին երեխան  ծնվել է “Երեք ծնողանի” տեխնիկայի միջոցով, տեխնիկա, որը համատեղում է երեք տարբեր մարդկանց ԴՆԹ-ն սաղմում:

Հորդանացի ծնողների տղա երեխան ծնվել է Մեքսիկայում հինգ ամիս առաջ: Ըստ New Scientistի բացառիկ զեկույցի՝ նա առողջ է:

Միացյալ Նահանգները դեռ չի ընդունում այս նոր մեթոդը, հայտնի որպես միտոքոնդրիալ փոխանցում: New Hope Fertility Center-ի բժիշկ Ջոն Զհանգը և իր թիմը, պրոցեդուրան կատարել են Մեքսիկայում, որտեղ ինչպես նա ասել է, –  ՛՛չկան կանոններ՛՛:

Շատ օտարերկրյա փորձագետներ ողջունել են երեխայի ծնունդյան լուրը: Սակայն, շատերը մտահոգված են այս թեմայի շուրջ, քանի որ տեխնիկայի վերաբերյալ հետազոտությունը այնքան էլ հասկանալի չէ: Մյուսները քննադատել են թիմին, բժշկական կանոնավոր շրջանակներից դուրս պրոցեդուրա իրականացնելու համար:

Զհանգը ասել է New Scientist-ին, որ կյանքեր փրկելը ՛՛բարոյական բան է՛՛, և որ երեխան առողջ է:

35908732_303Միտոքոնդրիալ  փոխանցում

Երեխայի մայրը ուներ մահացու նյարդային համակարգի խանգարում, Լեյ Սինդրոմ:
Նա այդ հիվանդությունը արդեն իսկ փոխանցել էր իր նախորդ երկու երեխաներին, ովքեր երկուսնել մահացել էին վաղ հասակում: Մայրը նաև չորս վիժում է ունեցել:

Համոզվելու համար, որ մոր հիվանդության գեները չեն փոխանցվի, Զհանգը վերցրել է նրա միջուկային ԴՆԹ-ն և համատեղել այն դոնորի ձվաբջջի միտոքոնդրիայի հետ:

New Scientist-ի զեկույցն ասում է, – ՛՛ Զհանգը հեռացրել է սաղմը մոր ձվաբջջիջներից մեկից և տեղադրել այն դոնորի ձվաբջջում, որի սաղմը արդեն իսկ հեռացվել էր: Պատրաստի ձվաբջջիջը մոր միջուկային ԴՆԹ-ով և դոնորի միտոքոնդրիալ ԴՆԹ-ով բեղմնավորվում է հոր սերմահեղուկի հետ՛՛:

Արգելված տեխնիկա

19442188_303Գիտնականների առաջին փորձերը “Երեք ծնողանի” տեխնիկայի օգտագործման, սկսվել են 1990 թվականից: Սակայն, որոշ երեխաներ սկսել են ձևավորել հոգեկան խանգարումներ, որի պատճառով տեխնիկան արգելվել է: Կարծիք կա, որ խնդիրը առաջացել է միտոքոնդրիայի երկու տարբեր աղբյուրներից, որոնք երեխաները ունեցել են:

 Զհանգը իր մեթոդը կներկայացնի մյուս ամիս American Society for Reproductive Medicine-ում,  Յուտահի Սոլթ Լեյք Սիթիում:

Լանքասթեր Համալսարանի Դեյվիդ Քլանսին ասել է, որ նախորդ փորձերը կապիկների վրա ցույց են տվել, որ մայրական միտոքոնդրիալ ԴՆԹ-ն կարող է ընդարձակվել ցածրից մինչև զգալի բարձր մակարդակների:

Նա ասել է, -՛՛Հնարավոր է հիվանդությունը փոխանցվի նորից, ինչը նաև կարելի է սպասել մարդկանց մոտ: Մինչդեռ մենք պետք է աչալուրջ լինենք նոր տեխնոլոգիաների զարգացման վերաբերյալ, եկեք հուսանք, որ այս երեխան առողջ կմեծանա և կունենա երկար կյանք՛՛:

Share.