Աշխարհի խոշորագույն օդ մաքրող սարքը փոշին վերածում է թանկարժեք քարի

0

Ստեղծվել է պատմության մեջ ամենամեծ օդ մաքրող սարքը (air purifier), որը կարող է կիրառվել աշխարհի աենաաղտոտված շրջակա միջավայր ունեցող քաղաքներում: Սարքը փորձարկվելու է սեպտեմբեր ամսից Չինաստանի մայրաքաղաք Պեկինում: Հետաքրքիրն այն է, որ բացի օդը աղտոտիչներից մաքրելուց, որոնք հակառակ դեպքում ներթափանցում են մարդկանց օրգանիզմ, սարքը նաև կարողանում է հավաքված փոշին և սմոգը վերածել թանկարժեք քարի:

906327_972Ինչպես հաղորդում է CNN Money-ին՝ հոլանդացի 36-ամյա ձեռնարկատեր Դաան Ռոզեգարդի մոտ այս միտքն առաջին անգամ հղացել է երկու տարի առաջ Չինաստանի մայրաքաղաք այցելելիս, երբ սմոգի պատճառով նա չի կարողացել տեսնել և վայելել քաղաքը հյուրանոցի 32-րդ հարկում գտնվող իր սենյակից:

Այդպիսով, նա սկսել է նախագծել Smog Free Tower-ը՝ նկարում պատկերված 7 մետր բարձրությամբ աշտարակը, որն ամեն ժամ սպառում է 1,400 վատտ էլեկտրականություն (ինչը հավասար է սովորական թեյնիկի սպառած էլեկտրականությանը) օդի 30.000 խմ մաքրելու համար: Սարքի գործարկումից հետո շրջակա միջավայրի օդը 75%-ով ավելի մաքուր է լինում:

Հեղինակի խոսքով՝ այդ պրոցեսը նման է փուչիկը ձեռքով շփելուն, երբ այն դառնում է ստատիկ, էլեկտրականացված և սկսում է դեպի իրեն ձգել մազեր:

Սմոգը խտացվում է և վերածվում ադամանդի նման քարի, որը, փաստորեն, օդի մաքրման պրոցեսի «հավելյալ արտադրանքն է»: Խտացված սմոգի մասնիկները մշակվում են, և դրանք հնարավոր է լինում կիրառել որպես զարդ՝ օրինակ՝ մատանի, որոնցից արդեն կան վաճառքում:

Օդի մաքրման այս նախագիծը արդեն փորձարկվել է Ռոտերդամում (Հոլանդիա), և պեկինյան հաջող փորձարկման դեպքում այն պիտի տարածվի դեպի նոր քաղաքներ:

Share.