Աշխարհի հզորագույն super-համակարգիչը ստեղծվել է Չինաստանում

0

ԱՄՆ-ն միշտ շատ հպարտ է լինում իր տեխնոլոգիական նորարարություններով, սակայն այս անգամ համաշխարհային գերտերությունը թերացել է գերհզոր համակարգիչների հարցում: Համաձայն աշխարհի Top500 լավագույն համակարգիչների վերջին թողարկման՝ Չինաստանի 10.65 միլիոն core Sunway TaihuLight-ը գտնվում է առաջին տեղում:

Ընդ որում, ամենաուշագրավ և ԱՄՆ-ի համար ամենացավալի փաստն այն է, որ ներքին միկրոպրոցեսորները 100% -ով չինական են:

Բանը նրանում է, որ անցյալում Չինաստանը մեծապես կախված էր ԱՄՆ-ից համակարգիչների միկրոպրոցեսորների հարցում: Հենց այդ պատճառով էր, որ մեկ տարի առաջ ԱՄՆ կառավարությունը արգելեց Intel-ին իր հզոր Xeon պրոցեսորները չինական հզոր համակարգիչներ արտադրող մի շարք կազմակերպություններին մատակարարելը: Արգելքը սահմանելու պատճառն այն էր, որ ըստ ԱՄՆ-ի՝ Չինաստանն օգտագործում էր Tianhe-2 չինական սուպեր-համակարգիչը միջուկային փորձեր կատարելու համար:

Սակայն փոխանակ Չինաստանին խոչընդոտելուն՝ այդ քայլը կարծես թե հակառակ ազդեցությունն ունեցավ: Չինաստանի աճը համակարգչային ոլորտում արագորեն թափ առավ:

Այնուամենայնիվ, հակառակ որոշ կանխատեսումների՝ սա չի նշանակում, որ չինական կիբեր-նինձյաները պատրաստվում են իրենց նոր հզորագույն սարքերով hacking-ի ենթարկել ինչ ցանկանան, սակայն ահազանգում է այն մասին, որ ԱՄՆ-ն կորցնում է իր՝ համաշխարհային տեխնոլոգիական գիգանտի դերը:

Share.