Կհամաձայնե՞ք հրաժարվել Ձեր մեքենայից ամսական 100$-ի դիմաց:

0

«Ամերիկյան երազանքը» ենթադրում է երկու ավտոտնակի առկայություն: Այնուամենայնիվ, քաղաքային բնակչության աճող թիվը ԱՄՆ-ում ստեղծել է մի իրավիճակ, երբ ավտոտնակ չունենալը կամ անգամ մեքենա չունենալը առավել նախընտրելի է շատ ամերիկացիների համար՝ հաշվի առնելով տրանսպորտային նոր միջոցների առաջ գալը, ինչպիսին օրինակ՝ car- and ride-sharing է (մեքենան համատեղ օգտագործելը):

Հենց դա էլ հանդիսանում է Mobility as a Service (MaaS) (շարժականությունը՝ որպես ծառայություն) նոր թրենդի տեսլականը, և տարածքի սղության խնդրի առջև կանգնած Սան-Ֆրանցիսկոյի կառուցապատողների և նրանց տրանսպորտային գործընկեր Uber-ի նպատակը: Maximus Real Estate Partners-ը, որը կառուցում է Parkmerced կոչվող 8900 միավոր բնակատեղի ունեցող համայնք Սան-Ֆրանցիսկոյում, Uber-ի հետ համատեղ առաջարկում է 100 դոլլարի երթևեկության թոշակ մեքենա չունենալու դիմաց:

Գլխավոր առավելությունն այն է, որ 100 դոլլարը տրանսպորտային տարբեր միջոցներից օգտվելու համար է՝ ներառյալ քաղաքային տրանսպորտը և car-sharing ծառայությունները, սակայն նվազագույնը 30 դոլլարը պետք է ծախսվի Uber-ի հետ: Վերջինս էլ, որպեսզի խրախուսի քաղաքացիների օգտվելու իր ծառայություններից, խոստանում է սահմանափակել Uber Pool-ի գները Parkmerced-ում և հարակից տրանզիտային կետերում 5 դոլլարի սահմաններում:

«Քաղաքացիների համար անմիջականորեն զգալի առավելություններից կլինեն սեփական մեքենա պահելու անհրաժեշտության վերացումը, ավելի թեթև երթևեկությունը, տրանսպորտային ծախսերի նվազեցումը, parking-ի խնդրի լուծումը»,- ասում է Maximus-ի հիմնադիր Ռոբ Ռոզանիան: Իհարկե, սա նաև ընձեռնում է կառուցապատման ավելի լայն հնարավորություններ, քան պարզապես  կայանատեղիներն են (parking spaces) և նվազեցնում է երթևեկության ծանրաբեռնվածությունը համայքնում:

Սա Uber-ի կողմից իրականացվող միանվագ ծրագիր չէ. «Մենք հույս ունենք, որ սա միայն առաջինն է կառուցապատող ընկերությունների հետ սպասվող բազում գործարքներից», – հայտնում է Uber’s Bay Area-ի գլխավոր մենեջեր Վայն Թինգը Forbes-ին: Իր բլոգում կազմակերպությունը նշում է նաև, որ այս նախաձեռնությունը համարում է հիմնաքար ապագայի «ավելի խելացի» քաղաքների համար՝ հնարավություն ընձեռնելով բնակիչներին ապրել մեքենաներից ազատ միջավայրում, և կապելով տրանսպորտային ցանցը:

Տեղաշարժվել քաղաքով ավելի արագ, հեշտ և մատչելի: Սա MaaS–ի ամենաարդիական ամերիկյան օրինակն է, թե ինչպես իրար կապել տարբեր տրանսպորտային միջոցները՝ թույլ տալով քաղաքացիներին տեղաշարժվել առանց ավտոմեքենա ունենալու: Յուրաքանչյուր խելամիտ բնակիչ կարող է հաստատել, որ շատ հեշտ է պարզել, թե ինչպես կարելի է երթևեկել Ա կետից Բ կետը ավտոբուսով, տաքսիով կամ գնացքով, սակայն software ծառայությունները ավելի են դյուրինացրել այդ գործընթացը, կառավարությունն ու գործարարները իրենց հերթին ևս աջակցում են դրան: Անցյալ տարվա վերջում, Ֆինլանդիայի մայրաքաղաք Հելսինկին ներկայացրեց MaaS Alliance-ը՝ հույսով, որ այն կտարածվի Եվրոպայով մեկ:

Որպես Maas Alliance-ի մաս՝Finnish Technical Research Centre-ը կոորդինացում է երկամյա Mobility as a Service for Linking Europe ծրագիրը: Ֆինանսավորված լինելով Conference of European Directors of Roads-ի կոմից՝ ծրագիրը փնտրում է բիզնես մոդելները և վճարման եղանակներ երթևեկության տարբեր միջողներից օգտվելու միասնական ամսական բաժանորդագրության համար:

Գաղափարի հեղինակ` ITS Finland-ի CEO Սամպո Հիեթանենը, նախատեսում է քաղաքային երթևեկության փաթեթ ամսական 95 արժողությամբ, որն ապահովում է անսահմանափակ երթևեկություն բնակչին իր քաղաքի ներսում, մինչև 100 կմ տեղական տաքսիից օգտվելու հնարավություն, 500 կմ մեքենայի վարձույթ և 1500 կմ ազգային տրանսպորտից օգտվելու հնարավորություն: Ի համեմատություն դրան՝ մեքենա ունենալու դեպքում անձը ծախսում է միջինում 725 դոլլար ապահովագրության, գազի և այլ ծառայությունների վճարումների համար՝ համաձայն AAA-ի:

Տրանսպորտային ինժեներ Սոնյա Հեյկիլան, ով վերջերս ավարտել է իր թեզը MaaS-ի վերաբերյալ պաշտոնական Հելսինկիի համար աշխատելիս, զբաղվում է սմարթֆոնային հավելվածի մշակմամբ Teke ֆիննական ինովացիաների ֆինանսավորման գործակալության համար, որը թույլ կտա օգտատերերին, ոչ միայն ընտրել տրանսպորտային մատակարարներին, այլ նաև գտնել ամենաարագ և մատչելի երթուղին: Հեղինակի խոսքով՝ այս հավելվածը կարող է լիովին վերացնել մեքենա ունենալու պահանջը: Այնպիսի խցանումների դեպքում, ինչպիսիք լինում են Սան Ֆրանցիսկոյի և Սիլիկոնյան հովտի շրջանում ավելի շատ մարդիկ են հակված փոխարինելու իրենց մեքենաները մուլտի-մոդելային այլընտրանքներով, և Maximus-Uber համագործակցությունն ավելի է խթանում այդ գործարքը:

«Հրաշալի է տեսնելը, թե ինչպես են գործարարությունն ու հասարակական շահը համընկնում և քաղաքային բնակչությունը հնարավություն է ստանում շահեկանորեն օգտվել փոխադրման ծառայություններից` hրաժարվելով սեփական մեքենաներից», – ասում է Քալիֆորնիայի համալսարանում Transportation Studies ինստիտուտի հիմնադիր-ղեկավար Դեն Սպիլբերգը:

Share.