Ի՞նչ նորույթներ ներկայացրեց Apple-ը WWDC 2019-ին։ Ընկերությունը հրաժարվում է iTunes-ից և խոստանում գերհզոր համակարգիչ։

0


Կալիֆոռնիայում կայացած ամենամյա WWDC 2019 (Worldwide Developers Conference) միջոցառման շրջանակում Ամերիկյան Apple ընկերությունը ներկայացրել է մի շարք նորություններ, որոնց թվում է iOS օպերացիոն համակարգի թարմացված տարբերակը՝ iOS 13-ը, 28 միջուկանի Mac Pro-ն, iPadOS-ը, ինչպես նաև նոր macOS-ը:

Այսպիսով, սկսենք նրանից, որ նոր iOS-ում ավելացվել է «Dark mood» թեման: Ներկառուցված նոր ալգորիթմի շնորհիվ՝ iOS-ի 13-ը կաշխատի երկու անգամ ավելի արագ, քան 12-ը։

Եվ ինչպես վստահեցնում է օպերացիոն համակարգի մշակման փոխնախագահ՝ Կրեյ Ֆեդերիգը, iOS 13-ում Face ID-ն 30 տոկոսով ավելի արագ է աշխատում, հավելվածների, իսկ համակարգի թարմացումները 50 տոկոսով թեթև են։

Սակայն iOS 13-ը, նախատեսված չի լինի iPad-ների համար, քանի որ ընկերությունը iPad-ի համար մշակել են նոր օպերացիոն համակարգ, որը կկոչվի iPadOS:
Ներկա պահին iPad-ի համար նախատեսված նոր ՕՀ-ն հասանելի է փորձնական տարբերակով։ Վերջինս բոլորին հասանելի կլինի միայն աշնանը։

Ներկայացված նոր օպերացիոն համակարգերի շարքում է նաև MacOS-ը, որ ստացել է Catalina անվանումը։ Այժմ, macOS-ում հնարավոր կլինի կիրառել նաև iPad-հավելվածներ։ Օպերացիոն համակարգը ամբողջական տարբերակով կներկայացվի աշնանը։

Ինչպես նաև միջոցառման շրջանակներում տեխնոլոգիական հսկան ներկայացրել է նոր Mac Pro համակարգիչը։ Սարքը ստացել է 28–միջուկանի Intel Xeon պրոցեսոր, որը, շնորհիվ հովացման նոր համակարգի, կարող է ամբողջ հզորությամբ աշխատել անընդհատ: Նորույթը հագեցած է 32 դյույմանոց 6K էկրանով, 1,5 տերաբայթ օպերատիվ հիշողությամբ։ Mac Pro-ի բազային մոդելի արժեքը կսկսվի 6000 դոլարից, իսկ մոնիտորի համար անհրաժեշտ կլինի վճարել հավելյալ 5000 դոլար:

Եվ վերջում ավելացնենք, որ ընկերությունը պաշտոնապես հաստատել է, որ ցանկանում է լիովին հրաժարվել 18 տարվա պատմություն ունեցող iTunes-ից և պատրաստվում է փոխարինել այս երեք առանձին հավելվածով՝ Apple Music, Apple Podcast և Apple TV:

Ընկերությունից մանրամասնել են, որ օգտատերերի՝ iTunes ներբեռնված երաժշտությունը կտեղափոխվի Apple Music, աուդիոգրքերն ու «փոդքեսթերը»՝ Apple Podcast, իսկ տեսանյութերն ու հոլովակները՝ Apple TV:

Այն մասին, որ Apple-ը մտադիր է փակել iTunes-ը հայտնի դարձել դեռևս 2017 թվականից։ Ընկերության նման որոշումը կապված էր Apple Store-ում երաժշտական կոմպոզիցիաների վաճառքների անկման հետ:

Share.