Xiaomi-ն կպարգևատրի 10 000 դոլորով լավագույն լուսանկարի համար։

0

Ամբողջ աշխարհով հայտնի դարձած՝ չինական Xiaomi ապրանքանիշը հայտարարել է լուսանկարների մրցույթի մեկնարկի մասին, որի համար ընկերությունը նախատեսել է 50 000 ԱՄՆ դոլար։ Վերջինս կկիսվի մրցույթի հաղթողների միջև։

Մրցույթի միակ նախապայմանը ներկայացնել Xiaomi-ի կողմից արտադրված սմարթֆոնով արված լուսանկարներ։

Ինչպես նշել են կազմակերպիչները այս մրցույթին առանց որևէ սահմանափակումների կարող է մասնակցել յուրաքանչյուրը, ով կներկայացնի լուսանկար Xiaomi-ի ասմարթֆոնով։

Մասնակիցները կարող են վերբեռնել մինչև 6 լուսանկար։ Նշենք, որ կա լուսանկարների 4 կատեգորիա՝ դիմանկար, բնապատկեր, գիշերային նկարահանում և «կրեատիվ» լուսանկար։ Այնպես որ ձեր լուսանկարը պետք է համապատասխանի այս 4 կատեգորիաներից որևէ մեկին։

Յուրաքանչյուր անվանակարգում կլինի 3 հաղթող, առաջին տեղի համար՝ 10 հազար դոլար, երկրորդի համար`2 հազար դոլար, իսկ երրորդի՝ 500 դոլար:

Մրցույթի առաջին փուլում պարտադիր պայման է, որ ձեր կողմից ներբեռնված լուսանկարը ստանա առնվազն 3 հավանություն, որից հետո այն կհայտնվի ընդհանուր մրցույթում։ Դրանից հետո պրոֆեսիոնալ ժյուրին կընտրի այդ լուսանկարներից 100 լավագույնը, իսկ եզրափակիչ փուլի հաղթողներն արդեն կընտրվեն հանրային քվեարկության միջոցով։ Այսինքն, լուսանկարները կգնահատեն Xiaomi-ի երկրպագուները։

Բոլոր նրանք, ովքեր ցանկանում են մասնակցել մրցույթին կարող են վերբեռնել իրենց կողմից արված լուսանկարները ընկերության կայքում։ Նկարները վերբեռնելու համար անցեք հետևյալ հղումով։

Ինչպես արդեն նշեցինք, պարտադիր չէ սահմանափակվել ընդամենը մեկ լուսանկարով: Թույլատրվում է ներկայացնել մինչև 6 լուսանկար, որոնք ըստ ձեզ առավել հաջողված են։

Հիշեցնենք, որ մրցույթի հայտերը ընդունվում են մինչև նոյեմբերի 23-ը։

Այնպես որ, ՇՏԱՊԵՔ։

Մրցույթի արդյունքները կհրապարակվեն հայտերի ընդունումից երկու շաբաթ անց:

Share.