Xiaomi-ն ներկայացրել է խաղային սմարթֆոն

0

Իհարկե, խաղային սմարթֆոնի գաղափարը նորություն չէ։ Ինչպես գիտեք, շատ ավելի վաղ հանրաճանաչ Razer ընկերությունն արդեն իսկ ներկայացրել էր հանրությանն իր խաղային սմարթֆոնի տարբերակը։ Սակայն խաղային սմարթֆոնների արտադրության հարցում Razer-ը այլևս միակը չէ, չինական Xiaomi ընկերությունը նույնպես թողարկել է խաղային սմարթֆոն, որն ստացել է Black Shark անվանումը:

Xiaomi Black Shark-ը համալրված է 5,99 դյույմանոց Full HD + (2160 x 1080 պիքսել) էկրանով, Quick Charge 3.0 մարտկոցի՝ արագ լիցքավորման տեխնոլոգիայով, մատնահետքի սենսորով, Snapdragon 845 հզորագույն պրոցեսրով և 6-8 GB օպերատիվ հիշողությամբ: Սմարթֆոնի հիմնական տեսախցիկը կրկնակի է՝ 12 և 20 մեգապիքսել, իսկ դիմային տեսախցիկը՝ 20 մեգապիքսել։ Black Shark-ը չունի ականջակալների համար նախատեսված անցք, փոխարենը համալրված է USB Type-c-ով:

Սմարթֆոնի չափերը հետևյալն են՝ 161.6 x 75.4 x 9.25 մմ, իսկ քաշը՝ 190 գրամ: Առաջին հայացքից կարող է թվալ, որ սմարթֆոնի կորպուսը անսովոր տեսք ունի։ Ըստ երևույթի, դա արվել է նրա համար, որպեսզի խաղի ընթացքում օգտատերերին հարմար լինի շահագործել սմարթֆոնը հորիզոնական դիրքով։

Նորույթի գլխավոր առանձնահատկությունը Shark GamePad խաղային վահանակի հնարավորությունն է: Shark GamePad խաղային վահանակը հնարավոր է կցել սմարթֆոնին, ինչը թույլ է տալիս առանց վերալիցքավորման՝ 30 ժամ անդադար խաղալ։

Հայտնի է նաև, որ խաղային սմարթֆոնը արտադրության դուրս կգա երկու տարբերակով՝ հիմնական, որն ունի 6 GB օպերատիվ և 64 GB ներկառուցված հիշողություն, և առաջատար։ Վերջինս, համապատասխանաբար, կունենա ավելի հզոր տեխնիկական բնութագիր՝ 8 GB և 256 GB հիշողություն։

Նշենք նաև, որ Xiaomi Black Shark-ը աշխատում է Android 8.0 Oreo օպերացիոն համակարգով։

Ամենայն հավանականությամբ, Xiaomi-ի նոր խաղային սմարթֆոնը՝ շնորհիվ իր հզոր տեխնիկական բնութագրի կդառնա ներկայիս ամենահզոր խաղային հեռախոսի՝ Razer Phone-ի գլխավոր մրցակիցը։

Xiaomi Black Shark սմարթֆոնի 6 GB + 64 GB տարբերակի արժեքը կազմում է 480 դոլար, և 560 դոլար՝ 8+128 տարբերակի համար: Նախնական տվյլաներով սմարթֆոնը վաճառքի դուրս կգա 2018 թվականի ապրիլի 20-ին:

524823

524825

Share.