Xiaomi-ն ներկայացրել է Mi 9-ը նոր ֆլագմանը։

0

Չինական Xiaomi ընկերությունը ներկայացրել է իր նոր ֆլագմանը՝ երկար սպասված Mi 9 սմարթֆոնը, ինչպես նաև նույն մոդելի ավելի հզոր տարբերակները՝ Transparent և Explorer Edition-ը։

Նոր սմարթֆոնը ունի 6.39 դյույմանոց Super AMOLED (1080 x 2280 պիքսել) էկրան, որը զբաղեցնում է կորպուսի 90.7%-ը, ինչը զգալիորեն գերազանցում է ընկերության նախորդ մոդելներին։

Օրինակ՝ Mi 8-ի էկրանի և կորպուսի հարաբերակցությունը 83,66% էր, իսկ Apple iPhone XS Max-ինը` 84,29%:

Էկրանը պատված է Gorilla Glass 6 պաշտպանիչ շերտով, իսկ մատնահետքի սկաները 25%-ով ավելի արագ է, քան նախորդ սերնդինը:

Նորույթի գլխավոր առանձնահատկություններից մեկը եռակի հիմնական տեսախցիկն է՝

  • 48 մեգապիքսել f / 1.75 բացվածքով
  • 12 մեգապիքսել f / 2.2 բացվածքով
  • 16 f / 2.2 բացվածքով։

Այս տեսախցիկը թույլ է տալիս նկարահանել 960 կադր մեկ վայրկյանում:

Սմարթֆոնը աշխատում է Snapdragon 855 պրոցեսորով և առաջարկվում է սպառողներին 2 տարբերակով՝ 6+128 ԳԲ, կամ 8+128 ԳԲ հիշողությամբ:

Սմարթֆոնն ունի արագ լիցքավորման համակարգ: Բացի այդ ընկերությունը ներկայացրել է նաև անլար powerbank՝ 10 000 մԱ·ժ հզորությամբ:

Նշենք, նաև որ սմարթֆոնն աշխատում է Android 9.0 Pie օպերացիոն համակարգով:

Նոր Mi 9 սմարթֆոնը կարժենա մոտավորապես 450-600 դոլար և սկզբնական շրջանում կվաճառվի միայն Չինաստանում:

Ինչպես նշեցինք բացի Mi 9-ին Xiaomi-ն միաժամանակ ներկայացրել է նաև Mi 9 SE սմարթֆոնը` ավելի փոքր էկրանով (5,97 դյույմանոց AMOLED), Snapdragon 712 պրոցեսորով: Այն կարժենա 300 դոլար:

Նոր սմարթֆոնները վաճառքում կհայտնվեն փետրվարի 26-ից:

Share.