Xiaomi-ին ներկայացրել է Mi Play «երիտասարդական» սմարթֆոնը:

0

Չինական Xiaomi ընկերությունը, ինչպես և խոստացել էր, ներկայացրել է Mi Play նոր սմարթֆոնը Չինաստանում։

Ինչպես և սպասվում էր նորույթը՝ երիտասարդների համար նախատեսված մոդել է, որը վաճառվելու է առավել մատչելի գնով, քան ընկերության մյուս սմարթֆոնները։ Բացի այդ այն հագեցած է գեղեցիկ և համարձակ գունային լուծումներով, որի պատճառով էլ սարքը համարվում է երիտասարդական։

Սմարթֆոնի չափերը հետևյալն են՝ 147.76 × 71.89 × 7.8 մմ, իսկ քաշը՝ ընդամենը 150 գրամ:

Xiaomi Mi Play-ը հագեցած է 5,84 դյույմանոց Full HD + (2280 x 1080 պիքսել) էկրանով՝ 19: 9 հարաբերակցությամբ։ Էկրանի վերևի հատվածում կա մի փոքր կտրվածք, որտեղ էլ գտնվում է 8 մեգապիքսել հզարությամբ դիմային տեսախցիկը։

Գլխավոր տեսախցիկը երկակի է, տեսախցիկներից յուրաքանչյուրը 12 մեգապիքսել է։ Մատնահետքի սենսորը տեղադրված է սմարթֆոնի հետևի հատվածում։

Սմարթֆոնի հիմքում ընկած է ութ միջուկանի MediaTek Helio P35 հզոր պրոցեսորը՝ 2,3 ԳՀց հաճախականությամբ։ Սարքի օպերատիվ հիշողությունը 4 ԳԲ է, իսկ ներքի հիշողությունը 64 ԳԲ, որը հնարավոր է ընդլայնել մինչև 256 ԳԲ  microSD քարտի օգնությամբ:

Մարտկոցի հզորությունը 3000 mAh է։

Սմարթֆոնը համալրված է նաև Hybrid Dual SIM համակարգով (nano + nano / microSD), ինչպես նաև Wi-Fi 802.11ac-ով, Bluetooth 4.2-ով, GPS-ով, USB Type-C պորտով:

Նշենք նաև, որ սմարթֆոնը աշխատում է Android 8.1 օպերացիոն համակարգով (Oreo) և MIUI 10 կարգավորումով:

Նորույթը առաջարկվում է սև, կապույտ և վարդագույն ոսկի գունային տարբերակներով։

Նախնական տվյլաներով Xiaomi Mi Play-ի արժեքը Չինաստանոմ կկազմի մոտավորապես 160 դոլար, սակայն թե ինչքանով  այն կճառավի միջազգային շուկայում դեռևս մնում է անհայտ։

Share.