Xiaomi-ն ներկայացրել է 2 նոր սմարթֆոն է Redmi շարքից։

0

Չինական Xiaomi ընկերությունը պաշտոնապես ներկայացրել է երկու նոր առաջատար սմարթֆոն Redmi-ի շարքից՝ K20 և K20 Pro մոդելները:

Redmi K20-ը ոչնչով չի տարբերվում Redmi K20 Pro-ից և, կարելի է ասել, որ հանդիսանում է վերջինիս գրեթե ամբողջական պատճենը, միայն մեկ բացառությամբ՝ պրոցեսոր։

Այսպիսով, այս երկու մոդելների հիմնական տարբերությունը պրոցեսորն է․ Redmi K20-ը աշխատում է Snapdragon 730 պրոցեսորով, մինչդեռ Redmi K20 Pro-ն՝ Snapdragon 855 պրոցեսորով:

Ինչպես նաև, K20 Pro-ն հագեցած է հովացման հատուկ ութ շերտանի տեխնոլոգիայով, որի շնորհիվ սմարթֆոնը չի տաքանա անգամ մեծ ծանրաբեռնվածության դեպքում:

Սմարթֆոնի բազային մոդելը ստացել է 6 GB օպերատիվ հիշողություն և 64 GB ներքին հիշողություն: Իչպես նաև հասանելի է սմարթֆոնի ավելի հզոր տարբերակը հետևյալ կոնֆիգուրացիայով՝ 8 GB օպերատիվ հիշողություն և 256 GB ներքին հիշողություն: Մարտկոցի հզորությունը 4000 մԱ է:

Բացի այդ սմարթֆոնը ունի արագ լիցքավորման ֆունկցիա (80 րոպե):

Երկու սմարթֆոններն էլ հագեցած են 6.4 դյույմ անկյունագծով և 2340×1080 պիքսել կետայնությամբ AMOLED էկրաններով: Իսկ էկրանը իր հերթին համալրված է 7-րդ սերնդի մատնահետքերի սկաներով:

Redmi K20-ը և K20 Pro-ն ներկայանում են 20 մեգապիքսել դիմացի շարժական տեսախցիկով և 48 մեգապիքսել հիմնական եռակի տեսախցիկով։

Ինչպես նշվում է, նորույթը արդեն իսկ հունիսի 1-ին վաճառքի կհանվի Չինաստանում: Չնայած տպավորիչ տեխնիկական բնութագրին և հատկանիշներին, սմարթֆոնների մեկնարկային արժեքը կսկսվի 361 դոլարից, իսկ ամենաթանկ տարբերակը կարժենա մոտավորապես 434 դոլար:

6/64 GB հիշողությամբ K20 մոդելը կարժենա 1999 յուան, 6/128 հիշողությամբ K20 մոդելը՝ 2099 յուան: Իսկ K20 Pro-ի դեպքում՝ 2499  և 2599 յուան՝ համապատասխանաբար:

Սակայն թե երբ Redmi K20 և K20 սմարթֆոնները կհայտնվեն արտաքին շուկայում, դեռևս հայտնի չէ։

Share.