Չինական Xiaomi-ն գրավում է շուկան, մինչդեռ Apple-ի և Samsung-ի վաճառքները նվազում են։

0

IDC վերլուծական և Strategy Analytics հետազոտական ընկերությունները, ամփոփելով 2018 թվականի երրորդ եռամսյակի սմարթֆոնների վաճառաքների ցուցանիշները, գրանցել են  միջազգային վաճառքների անկում 6% և 8.4%-ով:

Իհարկե,  ցուցանիշները տարբեր են, քանի որ ընկերությունները իրենց հետազոտություններում տարբեր մեթոդներ են օգտագործում, սակայն ընդհանուր տենդենցիան ակնհայտորեն նույնն է։

Երկու ընկերությունների ներկայացված տվյալների համաձայն, նկատվում է վաճառքների աճի բացակայություն և նույնիսկ նվազում երեք առաջատար արտադրողների՝ Samsung, Apple և OPPO-ի մոտ, որոնք իրենց բարձ վաճառքների ցուցանիշով մշտապես գտնվել են լավագույն հնգյակում։

Ինչպես տեսնում եք, չինական OPPO ընկերության մոտ, որը ցանկում զբաղեցնում է հինգերորդ տեղը, վաճառքների ցուցանիշը նվազել է, իսկ երրորդ տեղում գտնվող Apple-ը բավարարվում է նվազագույն աճով (ընդամենը 0.4 %), մինչդեռ երբեմնի առաջատար հարավկորեական Samsung ընկերության վաճառքները էապես նվազել են` շուրջ 13 տոկոսով:

Միևնույն ժամանակ, արդեն բոլորիս հայտնի Huawei-ի և Xiaomi-ի չինական ընկերությունների վաճառքների ցուցանիշը կտրուկ աճել է` առաջ անցնելով Apple-ից և Samsung-ից:

Չինական արտադրողները զգալիորեն ավելացրել են իրենց վաճառքի ծավալները հասցնելով այդ ցուցանիշը մինչև՝ 32% և 21% (19%):

Ինչպես նշում են վերլուծաբանները, Huawei-ի և Xiaomi-ի ապրանքանիշի սմարթֆոնների վաճառքները վստահորեն աճել են 2017-ից ի վեր, մինչդեռ գնորդների հետաքրքրությունը Apple-ի և Samsung-ի արտադրանքի նկատմամբ զգալիորեն նվազել է։

Share.