Xiaomi-ին ծաղրել է Samsung-ի բյուջետային սմարթֆոնը:

0

Redmi Note 7-ը շրջանցել է Galaxy M20-ին իր չափանիշով։

Չինական Xiaomi ընկերության հնդկական ստորաբաժինը Twitter-ի պաշտոնական էջում հրապարակել է նյութ, որում համեմատում է Xiaomi Redmi Note 7 սմարթֆոնը Samsung-ի նոր Galaxy M20 բյուջետային սմարթֆոնի հետ, որը Հնդկաստանում վաճառքի է դուրս եկել երեկ:

Եվ ինչպես ցույց է տվել թեստը, համեմատության այս արդյունքները Samsung ընկերության սմարթֆոնի օգտին չէին:

Հիմնվելով AnTuTu կողմից արված թեստի վրա, Galaxy M20 սմարթֆոնը, որը աշխատում է Exynos 7904 պրոցեսորով, հավաքել է 123 հազար միավոր է, այնինչ Xiaomi Redmi Note 7-ը  Qualcomm Snapdragon 660 պրոցեսորով՝ 143 հազար միավոր:

Նշենք, որ Samsung Galaxy M20-ի արժեքը Հնդկաստանում սկսվում է 153 դոլարից: Դա սմարթֆոնի այս մոդելի ամենաէժան տարրբերակն է՝  3 + 32 GB:

Իսկ Redmi Note 7-ի արժեքը ավելի էժան է։ Վերջինս սկսվում է 147 դոլարից (3 + 32 GB տարբերակի համար) Չինաստանում։ Միևնույն ժամանակ, Redmi Note 7-ը առաջարկում է 48 մեգապիքսել հզորությամբ տեսախցիկ, իսկ Galaxy M20-ը համալրված է շատ ավելի «համեստ» տեսախցիկով։

Հիշեցնենք, որ սա առաջին անգամն չէ, որ Xiaomi-ին ծաղրում է իր մրցակիցներին։ ԱՎելի վաղ Xiaomi Mi Mix 2-ի շնորհանդեսի ժամանակ ընկերության ներկայացուցիչներն իրենց թույլ են տվել կատակել Samsung-ի և Apple-ի հասցեին։

Սլայդներից մեկում Xiaomi-ն սմարթֆոնները ներկայացրել է օգտատերերի դեմքերով, որոնց մազերը և մորուքը խորհրդանշում են դիսփլեյի շրջանակները։ Սրանով ընկերության ներկայացուցիչները փորձել են ցույց տալ, որ իրենց նոր սմարթֆոնը գործնականորեն չունի շրջանակներ։

Կարելի է ասել, որ Xiaomi-ում ծաղրելու իսկական վարպետներ են աշխատում, տեխնոաշխարհի այս երկու հսկաներին այսպես դեռ ոչ ոք չէր համարձակվել ծաղրել։

 

Share.