Yahoo-ն պատրաստվում է հաստատել միլիոնավոր օգտատերերի տվյալների արտահոսքը

0

Այն լուրերի տարածումից հետո, որ Yahoo-ն պատրաստվում է հաստատել միլիոնավոր օգտատերերի մասին ինֆորմացիայի արտահոսքը, Twitter-ում և այլ ցանցերում հայտնվել են գրառումներ, որ log in լինելիս  մարդկանց առաջարկվում է փոխել իրենց գաղտնաբառը:

Yahoo-ն հետաքննություն է սկսել օգոստոս ամսին ամենայն հավանականությամբ տեղի ունեցած տվյալների արտահոսքի վերաբերյալ, այն բանից հետո, երբ ինչ որ մեկը <սև շուկայում> առաջարկել է 200 միլիոն Yahoo account-ների տվյալների վաճառք, ներառյալ username-եր, գաղտնաբառեր, ծննդյան ամսաթվեր և հավելյալ էլ. հասցեներ:

Այսպիսով, կազմակերպությունը հավատում է արտահոսքի իրական լինելուն, և ինչպես հաղորդում է  Recode կայքը՝ իրավիճակն ավելի բարդ է քան նախնական պատկերացումն էր դրա մասին:

Սակայն, մինչդեռ Yahoo-ն չի արել որևէ պաշտոնական հայտարարություն այս ամենի առնչությամբ, այն իր օգտատերերի որոշ մասին առաջարկում է փոխել գաղտնաբառերը   իրենց account-ներում տարօրինակ գործողությունների (“suspicious activity”) կասկածի պատրվակով:

Գաղտնաբառերը փոխելու առաջարկը հնարավոր է որևէ ուղղակի կապ չունի տվյալների արտահոսքի հետ, սակայն դրա հաստատումը հիմա՝ տվյալների վաճառքում հայտնվելուց մեկուկես ամիս անց, առաջ է քաշում հարց, թե ինչու է Yahoo-ն այդքան երկար սպասել մինչև քայլեր ձեռնարկելը:

Yahoo-ի տվյլալները անօրինական կերպով գողացող և վաճառքի դնող անձը հայտնի է նման գործողություններով նախկինում ևս՝ կապված MySpace, LinkedIn, Tumblr և շատ այլ կայքերի հետ:

Տվյալների արտահոսքի հաստատումը, հավանաբար, տեղի կունենա շատ շուտով, քանի որ այս շաբաթ պիտի իրականանա Yahoo-ի $4.8 միլիարդ արժողությամբ գործարքը Verizon-ի հետ:

Share.