Դուք սպանում եք Ձեր iPhone-ի մարտկոցը հետևյալ սխալները գործելիս

0

Ինչ չի կարելի անել iPhone-ի մարտկոցը լիցքավորելիս, որպեսզի այն Ձեզ երկար ծառայի

Դժվար է պատկերացնել, թե ինչ բարդ բան կա հեռախոսի մարտկոցը լիցքավորելու մեջ, սակայն առաջին հայացքից անմեղ թվացող շատ սովորություններ կարող են անդառնալի վնաս հասցնել Ձեր iPhone-ին: Ահա թե, որոնք են դրանք.

Լիցքավորել 100%-ով

baterai-terbaru-ini-dapat-bertahan-satu-minggu-FeGV73lzcIՄինչև վերջ լիցքավորելը ամենաարդյունավետ եղանակը չէ հեռախոսի մարտկոցն ուժեղ պահելու համար: Հակառակը, մասնագետները խորհուրդ են տալիս օրվա ընթացքում պահել հեռախոսը 30%-80% լիցքավորումով: Դա այն սահմանն է, որի շրջանակներում հեռախոսն ամենաարդյունավետն է աշխատում: Այսպիսով, պետք է դադարել ամբողջ գիշեր հեռախոսը լիցքավորման միացված թողնելու սովորությունը և լիցքավորել այն օրվա ընթացքում կարճ փուլերով:

Թույլ տալ հեռախոսին «մեռնել»

Լիթիում-իոնային մարտկոցները դառնում են ցնդող, երբ ընգնում են ցածր հոսանքի ռեժիմ: Այսպիսով, անհրաժեշտ է խուսափել հեռախոսի էկրանին low battery զգուշացումը հաճախ հայտնվել թույլ տալուց: Ամեն անգամ լիցքավորման լրիվ սպառումը որոշակիորեն քայքայում է Ձեր մարտկոցը:

Տաքացնել հեռախոսի մարտկոցը

tl-horizontal_mainՄիգուցե սա անմիջապես կապ չունի լիցքավորման հետ, սակայն ևս չափազանց կարևոր է: Հավանաբար նկատել եք, որ Ձեր հեռախոսը «դանդաղկոտ» է դառնում արևի տակ երկար մնալուց հետո: Դա նրանից է, որ iPhone-ի մարտկոցները ստիպված են կրկնակի աշխատել չափազանց տաք կամ սառը պայմաններում: Apple-ի համաձայն՝ iPhone-նների համար ամենաբարենապաստ միջավայրը 0-32 աստիճանն է:

Անլար լիցքավորիչ շատ հաճախ օգտագործել

Իհարկե անլար լիցքավորիչ սարքերը փրկություն են հանդիսանում շատ դեպքերում, սակայն պետք է հաշվի առնել նաև նրանց վնասակարությունը: Եվ՛ մարտկոցը և՛լիցքավորիչ case-ը ջերմություն են արձակում լիցքավորման ընթացքում, որն էլ անդառնալի վնաս է հասցնում iPhone-ին: Դրանից խուսափելու համար կարելի է օգտագործել շարժական անլար լիցքավորիչ սարք, որը չի հպվում հեռախոսին:

Լիցքավորելիս չհանել հեռախոսը case-ից

Կրկին անդրադառնալով տաքացման հարցին՝ նշենք, որ case-ը ևս կարող է պատճառ հանդիսանալ, որ լիցքավորման ընթացքում հեռախոսը վնասվի բարձր ջերմաստիճանից, քանի որ այն կարող է փակել օդափախանակության ճանապարհները:

Թողնել հեռախոսն առանց լիցքավորման երկար ժամանակ

tl-horizontal_main (1)Եթե Ձեր iPhone-ի հետ ինչ-որ բան է պատահել և Դուք այն ժամանակավորապես չեք օգտագործում, ապա պահե՛ք այն հով տեղում, միջին լիցքավորմամբ: Համաձայն Apple-ի՝ եթե Դուք երկար ժամանակ թողնում եք մարտկոցը կատարյալ սպառված վիճակում, դա հետագայում նպաստում է լիցքավորման արագ սպառմանը: Նույն բանը պատահում է նաև մարտկոցը մշտապես լիարժեք լիցքավորված պահելիս:

Սխալ լիցքավորիչ օգտագործել

Apple-ի կողմից թողարկված լիցքավորիչները այնպես են նախագծված, որ կարողանում են դադարեցնել լիցքավորումը, երբ մարտկոցը 100%-ով լիքն է: Սակայն դժվար թե նույնը հնարավոր է ասել նաև այլ՝ առավել մատչելի լիցքավորիչների մասին:

Share.